الموت
لو خذاك الموت
هذا اعظم سؤال
شنو حياتي
ومن اكون
وليش اعيش
انت تتخيل لو تغيب دقيقه
شنو يصير
شلون اكون
كيف يكون للدنيا طعم او لون
لا تسالني عن غيابك
انت عارف الي يصير
اعيش اللحظه دهر
وانتهي بأسوء مصير
لا تخيل او تفكر
لو بلحظة غبت عني
اشوف الموت كأني
تخيل لو هي ساعه
صعب اوصفلك بظني
انت لو تفقد شي غالي
تحترق روحك تحاتي
ما تصور وانت مني
افقدك يعني مماتي
غمض عيونك دقايق
وعطني من وقتك ثواني
وانت هادي وانت رايق
شوف البشر كم تعاني
ما ابيك مني تضايق
ادري مكثرهم خلاني
الا انت لقلبي لايق
يعني انت عندي شي ثاني
شفت قيس كيف حاله
هذا وليلى هي المره
اما انا كيف حالي
مثل المدينه.. مدمره
إلي مرها شي خيالي
ما تحيا فيها حتى شجره
لا تسالني لو اخسرك؟
هالسؤال ماله جواب
لا مو قصدي استرخصك
ما عندي رد ولا بقول اسباب
هناك ٣٠ تعليقًا:
خاطره جميله
يعطيج العافيه
وااااااي الصورة عزرت قلبي
حبيببببببي
حياااااااااتي
ايده على راسه جنه صج
لا واليد محززه
هذا لو عندي كليته
:))
احم احم اوطي صوتي واعدل قعدتي وارجع حق البوست....يا بخت شخص ينكتب له هالكلام
متخيله شنو معنى انه بنت تحس كل هذا؟
اكيد ما ارح تلقة جواب لاصعب واقسى سؤال
!!
كلماتج روعه
صباحج ورد وخير ونوير:**
جيت بعلق
وما قدرت
:(
حزنج غطى على كل الكلام
لو خسرتك اموت :"(
الله لا يفرقنا عن احبابنا
اتعرفين شنو اعجبتني كلماتج
اتعرفين شنو حبيتها
صج صج وايد دشت خاطري
تسلم ايدج
وااااي والله عورتيي قلبيي
قعدت اشهق من البجييي
شالكلاام والله عورتي قلبي كل كلمه قلتيها ادش القلب و تربع فيي من كثر ما اهو حلوو
يعطيج العافيه المشاعر الاحساس الحب و العذاب كله لقيته
يا سلام على الفن الي فييج
T>C sweeteee...
salamz...
شلون اكون
سؤال يوجع
اجابات هذا السؤال رغم صدقها لاتشفي غليل العاشق
لانه عندك شي ثاني
بساطه في الطرح
ومفردات سلسه
دمتي عاشقه
الله يبعد الشر عن كل من تحبين ... لكن الموت حقيقه لا جدال عليها ...ممكن نختلف على كل شي لكن الموت واقع مفروض ...يمكن الاستعاضه عن فكرة موت الاحباب بالدعاء لهم بطول العمر و قضاء اجمل اللحظات معهم حتى تكون الذكريات عديده و جميله
Q8i_Blogger
الله يعافيك
اسعدني مرورك
ستكونه
فعلا هذا مال اكل وعض
بس بيعور قلبج اكثر لو بجى
:)
كنت بحط صوره ثانيه بس وقفت عند هذي حسيتها غير
ـــــــــــــــــ
صباحج عسل ومربى وكل شي حلو
:))
ضحكتيني
بس شلون بتعدلين قعدتج؟؟
ستكون مشكوره على الكلام
لا خلا ولا عدم يالغاليه
.ليومج هذا ما اتخيل اني ممكن احب
سديقتي السدوكه زوزو
الحزن وطن والمنفى منه شبه محال
احس عندي كلام وايد
بس مو عارفه اقوله
المهم عندي ما ابيج في يوم وحتى بلحظه تزعلين على حالي
:)
Najmah
الله يسلمج
تعرفين انتي شنو بريئه
تعرفين شنو يعني اني احسج مثل الملاك
صج صج صج سعيده انه كلماتي حازت على اعجابج
5roofa
حبيبتي والله اسفه
مو القصد ابجي احد يا قلبي انتي
كلنا نحس وكلنا عندنا مشاعر بس الفرق بطريقة التعبير
مشكووووووره على الكلام الحلو
T.cيا عسل
سلامزات
اخوي براك
مشكور على الكلام
ـــــــــ
اول ما قريت تعليقك
طرى على بالي هالسؤال:
تهقى في يوم من الايام راح احب او انحب؟
مجرد تساؤل مع النفس
شاكره مرورك شيوب
لو خسرتك أموت
هالجملة تختصر كل الكلام
إذا الأحساس وصل لي هالمرحلة
مافي شي بعد ينقال
هالكلام مبين طالع من القلب
والإنسان إللى ينقاله هالكلام أكيد محظوظ لإنه لقى هالقلب إللى مايقدر يعيش من غيره
جميلة إنتي بحساسج الحلو وبكلماتج المميز دائماً
عجبني هالمقطع وااايد
انت لو تفقد شي غالي
تحترق روحك تحاتي
ما تصور وانت مني
افقدك يعني مماتي
روعة
تحياتي للمجنونة الصغيرة
ليش هالكلام :((((
كلام رقيق و لكن برقته يعتصر قلب قارئة حزنا ...
عسى الله ما يفرقك عن احبابك و يجمعك معهم في كل لحطة حلوة
استوففتني كلماتك كثيرا
قبل ان استطيع التعليق
فعلا سؤال ليس له جواب
أبو إسحق
اسعدني مرورك
:)
الحمدلله على السلامه
مكانك خالي
دايما كان كلامك بالنسبه لي هو الواقع الي ما اقدر انكره
الميزه انك فاهمني وماخذ كلامي باسلوب محايد يخليني استصعب اني اعقب عليه
مشكوووور
اخوي حسوون
احرجتني بكلامك
مشكور من ذوقك ومن احساسك الراقي
المحظوظه عي الي راح تحبك وتعرف قيمة قلبك
:)
وهالمحظوظ الي تتكلم عنه مو موجود الا بخيالي
وما انكر انه الكلام من قلبي لانه هذا احساسي وليش انه صادق وصل للكل
حسون دايما اقول اني ابي بامان ومن دون خوف عشان اعطي من قلبي واعطي من كل ثقه
بس احس هالشي صعب
الروعه تعليقك وكلامك الراقي
لا خلا ولا عدم
:)
تحياتي
Shather
تصدقين ما ادري
الكلام يطلع مني واكتبه
ولما اكتبه احس اني اطلقت حريته
Sowhat
مافي خساره من دون حزن
ومشكور على الكلام الحلو
:)
والله يسمع منك اللهم اميــن
اجمعين
الوجد
سعيده بمرورج
:)
وسعيده اكثر انه الكلمات لامست شي في داخلك
مشكووره
الله يجيرج، لغة ممتعة
شسالفة الشعر المدونات متروسة
صح لسانج
وعساج على القوة
:(
البوست عوار قلب
لو اخسرك
دنيا هذى
لا تتعلقين بانسان لى درجه فقده ينهى حياتج
الله يصبرنا على فقد الحبايب
ولا يخلييج من حبايبج
:)
صباح الورد والجوري
صباح مغلف بارقي واعذب
حروف ممكن ان تترجم
مايكنه القلب لصاحبة القلب
الكبير والطاهر
غاليتي الصغيرونه
دائما حروفك تلامس
المدي القابع باقصي الضمير
لانها باختصار
راقية
رائعة
قريبه للقلب
مثل صاحبتها
رغم الحزن المغلف لتلك التعابير
الا اننا لا نستطيع الفرار من ذلك السؤال
لو خذاك الموت
هذا اعظم سؤال
؟؟؟؟
الله يعين علي كل حال
دمت بدفءوعذوبه
ابدا
يااغلي مجنونه بقلب
الفراوله
وحشتيني
:)
فهد العسكر
:)
سعيده بمرورك
من قدي اكبر متحلطم بالعالم زاير مدونتي
:)
الله مه الكل
ومشكوور
فريج سعود
انت لو تترك السياسه شوي وتجابل الرومانسيه صدقني ما راح تخسر شي
:)
وياليت تحاول
وتسلم الله يقويك ان شاء الله
كاريزما
ترى هالاحساس حلو ما ادري شنو اقولج بس احس ان الانسان لو وصل لهالمرحله
بيكون بعالم ثاني اتخيله اقرب ما يكون جنه
لا تخافين علي صج قلبي على قدي بس انا بعلمه يطيع ويقنع بكلام عقلي
اسفه لاني عورت قلبج
وتسلمين يالغاليه
:)
فراوله
تصدقين مو قصدي اكبرج بس والله احساسي صوبج مثل ما يكون احساس البنت لامها
وفعلا انتي مو بس اختي ولج بقلبي غلا ومعزه غير عن الكل
والله لا يخليني منج ولا من لسانج الي ينقط عسل الي يخليني اوقف جدام تعليقج اسال نفسي مليون مره شنو ارد وشنو اقول
مشكوره وااايد على الكلام الحلو يا اكبر واحن قلب بالدنيا
وانتي واحشتني مووووووووتواكثر بعد
:*
إرسال تعليق