25‏/05‏/2007

الغيرة

الغيره تختلف من الرجل للمرأه ومن المرأه للرجل حتى الطفل يغار سبحان الله احساس ماله عمر مثل باقي الاحاسيس بس له وقت ولحظه تكون السبب بإستثارته يعني مثل الحب يدخل القلب من دون استئذان الا انه يتميز عن الحب انه يحاول يدق الباب قبل لا يدخل واحيانا ناس تفتح وناس تتجاهل
الناس الي استقبلت الغيره تتعامل معها بعدة طرق وتختلف طبعا الطرق من شخص لثاني يعني في الي يموت من الغيره وفي الي يقتلون من الغيره في بعد الي ما يحس فيها وهذا نادرا اما الي ما يسمع دقات الغيره على باب قلبه فأنصحه يتحمل عواقب هالحركه
شوفوا خيالي شنو يقول:
صدق اني عليك اغار
هذا دليل المحبه
ولو اسجنك في وسط دار
أبد ما اسميها غربه
غيرتي جنه ولواهيب نار
يا من استوطني حبه
اخاف عليك من الانظار
اخاف قلبك مني تسلبه
لا ليلي ليل ولا لي نهار
إحساس امرأه وعن تجربه
ابي تعذرني مهما صار
يلي وسط ضلوعي قلبه
ارحم قلب عاشق يغار
عسى يرحمه ربك وربه
من نظره واحساسي استثار
تخيل لو من البشر مليون قربه
والله اكتوي بوسط نار
وبيدي اسوق قلبي لحربه
واعلنها حالات استنفار
وما احسبها براسي حبه حبه
ولن ارضى الا بانتصار
لاني ملكة على عرش قلبه
المرأه ما تخلى عن بيت ودار
وانا اتخلى عن عرش......ياهي كربه

17‏/05‏/2007

الصديقات

ضحكات
قهقهات
وابتسامات
هذا ما يجمعنا معا
نحن الصديقات
نحن الزميلات
نحن الاخوات
حين الدنيا بنا تدور
حين الزمن بنا يظلم أو يجور
الحكايات
الروايات
والاهتمامات
تجمعنا فنبحث في كل الامور
نتعمق في كل البحور
حالمات
مفكرات
وعاشقات
نحيا مثل الفراشات
نحلق في سماء البدور
ولكننا نبقى بشرا
نقطف الاشواك والزهور
نحمل جبالا على الظهور
نعشق الصمت احيانا ونثور
ونعود فندور وندور وندور
بحثا عن الحياة مثل الطيور
متناسيات
متجاهلات
ومتذكرات
ذلك الواقع المرير
متمسكات بالصمود
ولسنا مستسلمات
بحدودنا ملتزمات
للمواجهة حاضرات
علنا نتغير اونغير
ما يجول في الصدور
فنضيء عتمه من بعد نور
وننشر الفرح و السرور
بالتضحية وليس بالغرور
ذلك ترياق الحياة
وبذلك يحيا الخلود
حيث تعيش الذكريات
وتقود بخبرتها الخطوات
فنعود للخلف مره وللامام مرات
لكنا بغفلة وبدون غفلة ندور
وندور وندور لان الزمان يدور

08‏/05‏/2007

من دفتر زماني

برسم احساسك الاناني
صفحة بدفتر زماني
بسطور من آآه ومعاني
تبكي عمري الفاني
وتحكي حبي وحناني
تقول باول سطوري
لقيت عمري وسروري
احييت بك قمة شعوري
استسلم كبريائي وغروري
وابدا من ثاني سطر
اكتب شعر مدري عبر
كل ما اخطه درر
قلبي على حبه استقر
احساسي له مثل البحر
صدري سما
وشوقي مطر
وارجع من اول السطر
اسال نفسي سؤال
هذا حلم ولا خيال
اكيد انا بواقع؟ محال
هذا غزو ولا احتلال
برفع الراية؟! احتمال
مو احتمال الا اكيد
ابتدى عمري المديد
بعيش انا حر وسعيد
لا اشكي هم ولا اعيد
كل يوم عندي عيد
وكل يوم حبي جديد
.
.
.
.
وابدا بتالي فقره
مدري اكتب مدري اقرا
احساس على حين غره
شعور يهدم اليوم وبكره
خان حبي والعشره
لي حق اشتكي ولا اشره؟
وابدا بكل سهولة
ارسم الحزن صوره
تحكي العذاب وتقوله
تبكي الفرح وسروره
تروي الماضي وحضوره
قمة العشق من يطوله؟!
وارجع لدفتر زماني
اطوي حزني والاماني
اترك قلبه لشخص ثاني
واخلي قلبي شوي يعاني
صعب انسى لو نساني

02‏/05‏/2007

ممكن اعرف؟؟؟؟؟؟؟؟؟؟؟؟؟؟

اسأله دايما اسال نفسي فيها ولا مره سالت احد الا انا واثقه انه ماراح يطنش وبيرد علي ان كان صادق ولا كذاب او حتى يجامل حالات الجنون فيني
إليكم ما يلي ولكن ارجو منكم اخواني واخواتي الاجابه على جميع الاساله من دون لف ولا دوران
يسمح لكم بالجنون ولكن بحدود لا متناهيه
الاسئله شبه معقوله وقد يتخللها اتهامات باطله
الله يعينكم ويعينا
لو كنت بنت او كنتي ولد شنو راح تسوووووووون وشنو تغيروووووون؟
هل تؤمنين او هل تؤمن بان المرأه هالمخلوق الفقير المسكين حنُانه؟؟؟؟؟؟
لو طلع لكم فانوس علاء الدين وكان لئيم وقرر يحقق امنية وحده من ثلاث شنو تختارون؟
لو تسددت ديون الكويتيين شنو ردت فعلكم؟؟؟؟؟؟؟
وابي رد على منكم على سؤال المارينا :لو انت بالبحر ومعاك امك ومرتك واختك\ومعاج زوجج وامج واختج وكنتوا بتغرقون منو تنقذ او تنقذين اولا ((هني ابي الصراحه وممنوع التهليق((
لو العصمة بإيد المراه شنو ردت فعلكم؟؟؟؟؟؟؟
لو تزوجتي او تزوجت شنو الشروط الي تطلبينها او تطلبها غير حقوقكم الشرعية؟
ادري اني سالت وايد بس هذا ذره من بحر اسألتي الله يقدركم وتردون
حبيت انوه الاسئلة للكل حتى من دون دعوه