برسم احساسك الاناني
صفحة بدفتر زماني
بسطور من آآه ومعاني
تبكي عمري الفاني
وتحكي حبي وحناني
تقول باول سطوري
لقيت عمري وسروري
احييت بك قمة شعوري
استسلم كبريائي وغروري
وابدا من ثاني سطر
اكتب شعر مدري عبر
كل ما اخطه درر
قلبي على حبه استقر
احساسي له مثل البحر
صدري سما
وشوقي مطر
وارجع من اول السطر
اسال نفسي سؤال
هذا حلم ولا خيال
اكيد انا بواقع؟ محال
هذا غزو ولا احتلال
برفع الراية؟! احتمال
مو احتمال الا اكيد
ابتدى عمري المديد
بعيش انا حر وسعيد
لا اشكي هم ولا اعيد
كل يوم عندي عيد
وكل يوم حبي جديد
.
.
.
.
وابدا بتالي فقره
مدري اكتب مدري اقرا
احساس على حين غره
شعور يهدم اليوم وبكره
خان حبي والعشره
لي حق اشتكي ولا اشره؟
وابدا بكل سهولة
ارسم الحزن صوره
تحكي العذاب وتقوله
تبكي الفرح وسروره
تروي الماضي وحضوره
قمة العشق من يطوله؟!
وارجع لدفتر زماني
اطوي حزني والاماني
اترك قلبه لشخص ثاني
واخلي قلبي شوي يعاني
صعب انسى لو نساني
هناك ١٦ تعليقًا:
عجيبه هذي الاوراق اللي نخطها و نكتب فيها ... لو رجعنا لها تضحكنا في صفحه و تبكينا في صفحه ثانيه رغم انها ماضي ... لكن ما زال للحبر مفعول و سحر على مشاعرنا
شكرا لج
احساس على حين غره
شعور يهدم اليوم وبكره
حلوه هالكلمات واايد حلوه
والفقره الثانية رائعة
حسيت فيها
خصوصا هالكلمة
وابدا بكل سهولة
ارسم الحزن صوره
شعور مرسوم بكلمات معبره
تحياتي لج
مو احتمال الا اكيد
ابتدى عمري المديد
بعيش انا حر وسعيد
لا اشكي هم ولا اعيد
كل يوم عندي عيد
وكل يوم حبي جديد
احبببببببب تحدي النفس
بس اخر شي كسرتي فيني
صعب انسى لو نساني
؟؟؟؟؟؟لماذا
وابدا بتالي فقره
مدري اكتب مدري اقرا
احساس على حين غره
شعور يهدم اليوم وبكره
خان حبي والعشره
لي حق اشتكي ولا اشره؟
وضعت هذا الكلام امامي طوال اليوم اقراه والتفت واسرح بعيدا
وليس بلساني الا كلمة
اللـــــــــــــــه
حساه احساس موجوع
بس
دفترك فيه كتير من الواقع
فعلا صعب ننسى
ممكن نتنسى علشان نعرف نعيش ونكمل حيتنا
ربنا معاكي
ابو اسحق
الشكر لك على تعبيرك الراقي
اما صفحاتنا فهي بالظبط مثل ماانت وصفتها قيمتها بكل ما فيها لانها شي منا يحتوينا ونحتويه
تحياتي
7osen
اخوي حسين حياك الله
ما ادري ليش من تعليقك حسيت ان الكلمات الي انت اخترتها عبرت عنك بكلمات انا سطرتها على مدونتي ولمست احساسك بسرعه كانها صحت شي فيك
انا اكيد شاكره مرورك وسعيده اكثر باحساسك الشفاف
وتحياتي لك
عتوج
حبيبتي والله مو القصد اني اكسر فيج وانا يوم قلت
مو احتمال الا اكيد
ابتدى عمري المديد
بعيش انا حر وسعيد
لا اشكي هم ولا اعيد
كل يوم عندي عيد
وكل يوم حبي جديد
كنت قاعده اوصف احساس الانسان اذا لقى الحب بحياته ومو اي حب الا حب حياته
ولان الانسان ما ينسى جرحه الي بالقلب والخيانه مثل ما انه ما ينسى فرحه وذكرياته
قلت
صعب انسى لو نساني
فهمتي علي الحين
تحياتي لج
اخوي براك
اللـــــــــــــــه
على الدنيا ونفوس البشر الي خلتنا نرسم حتى الحزن الي هو شي معنوي صور تشوفها عيون الناسوتحسها قلوبهم
ومع هذا بنعيش لان الحياة جذي
ولانه احنا اقوى من جذي
اشكر مرورك من بعد فتره طويله شوي
محض الروح
اكيد هذا واقعنا والي يغير فينا حاجه مستحيل ننساه الا انه ممكن نتناساه وهذا الحاصل بزمنا
اشكر تفاعلك مع كلماتي
تحياتي يا شفافة الروح:)
بالرغم من حبى الشديد للشعر ولكن الالتزام بقافية ينرفزنى:)
الفكرة موجودة عندج ولكن تقيدها بالقافية خلاها فاقدة الرسم بالكلام
مشكورة على المجهود الطيب :)
الله كلامج وايد
احساس مرهف
مشاعر راقية
إلى الأمام
Mishari
احترم رايك وهذا دليل على انك اتسوعبت الكلام
يعني ما قريت بس للمتعه لا بالعكس ركزت وهذا من حسن حظي
الا اني احب وجود القافيه احس انه الاذن تستسيغ الكلام بقافيه ويكون وصوله اسهل للمتلقي
شكرا لمرورك
Almas
حياج الله
ومشكوره على التشجيع يالغلا
:)
تعليق بسيط في طياته اعتراض
ترى انا موشايب
شيلي الشايب وحطي
المملوح
الشايب براك
جم تعطيني واحط مملوح
وعلى فكره انا راح اغير وبخليها مفاجاه لك
اما مملوح حدد حم تعطيني وانا اقرر
إرسال تعليق