اسأله دايما اسال نفسي فيها ولا مره سالت احد الا انا واثقه انه ماراح يطنش وبيرد علي ان كان صادق ولا كذاب او حتى يجامل حالات الجنون فيني
إليكم ما يلي ولكن ارجو منكم اخواني واخواتي الاجابه على جميع الاساله من دون لف ولا دوران
يسمح لكم بالجنون ولكن بحدود لا متناهيه
الاسئله شبه معقوله وقد يتخللها اتهامات باطله
الله يعينكم ويعينا
لو كنت بنت او كنتي ولد شنو راح تسوووووووون وشنو تغيروووووون؟
هل تؤمنين او هل تؤمن بان المرأه هالمخلوق الفقير المسكين حنُانه؟؟؟؟؟؟
لو طلع لكم فانوس علاء الدين وكان لئيم وقرر يحقق امنية وحده من ثلاث شنو تختارون؟
لو تسددت ديون الكويتيين شنو ردت فعلكم؟؟؟؟؟؟؟
وابي رد على منكم على سؤال المارينا :لو انت بالبحر ومعاك امك ومرتك واختك\ومعاج زوجج وامج واختج وكنتوا بتغرقون منو تنقذ او تنقذين اولا ((هني ابي الصراحه وممنوع التهليق((
لو العصمة بإيد المراه شنو ردت فعلكم؟؟؟؟؟؟؟
لو تزوجتي او تزوجت شنو الشروط الي تطلبينها او تطلبها غير حقوقكم الشرعية؟
ادري اني سالت وايد بس هذا ذره من بحر اسألتي الله يقدركم وتردون
حبيت انوه الاسئلة للكل حتى من دون دعوه
هناك ١٥ تعليقًا:
السؤال الأول راح اطوفه
السؤال الثاني .. احيانا صج تكون حنّانه
السؤال الثالث .. راح اطلب منه فلس واحد باليوم الأول ويندبل كل يوم مثال اليوم الأول فلس والثاني فلسين والثالث 4 فلوس واليوم الخامس 8 فلوس
الخ
وعليج الحساب شوفي خلال سنه جم راح يصير عندي
السؤال الرابع .. راح استانس واايد اذا طاحت القروض
السؤال الخامس كل شي يتعوض الا الاخوان
بس هم مو شرط يمكن اختاار زوجتي لأني محتاجها ولأنه عيالي محتاجينها
السؤال السادس .. العصمه بيد المره ما تخوّف لأنها دايما عواطفها تسبق غضبها انا بالنسبه لي ما تشكل اي خطوره بس الشرع اولى من كلامي طبعا
السؤال الأخير .. شروط الزوجه انها تتعاشر بس لا اكثر ولا اقل
:)
الحين خليني اسألج
شفايدة هالبوست
!!
اممممممممممممممممممممممم
شوف اخوي مناف
من جم يوم قلت لرفيجاتي انه ودي اروح لدزني لاند بفرنسا
وياليت ما قلت
كل واحده مبطله عيونها جنهم قواطي فول فاضيه ولا يسألوني من وين لج فلوس ومنو يروح معاج وليش الي بفرنسا
يعني كلوني بقشوري
بعدين في وحده قالت لو تزوجتي قولي لزوجج او شرطي عليه وبعدين صارت كل وحده فيهم تتشرط وتحلم وهلم جره بدينا اساله غريبه واجوبه اغرب
قلت اسالكم هني
كل اجوبتك اوكي ما عدى الاخير انت من صجك ترى هذا حقها شرعا مو شي انت تمن عليها فيه ولا تنسى هو بعد من شروطك صح ولا غلط اذا انت عاده شرط مو حق؟؟؟؟
امبين انك زغيرووونه بدرجه كافيه حتى ما تفهمين اللي قصدته
انا لما قلت انها تتعاشر
قصدت تكون فيها المواصفات اللي تسمح انها الحياة الزوجيه تستمر معاها
يعني ممكن اعيش انا معاها حياة طويله لما الله ياخذ امانته .. انشالله تكونين فهمتي الحين
1- قصدج مثلا انا بنت لو كنت ولد شسوي؟
هممممم اسافر على الاقل مره بالشهر بروحي هههههه ..
لا صج مادري وايد اشياء ناقشتها ذاك اليوم مع رفيجتي
بس مع ذلك اقول
"ولا تتمنوا ما فضل الله به بعضكم على بعض"
2- الحنه طبع ما له دخل بالجنس
في رياايل حنه و في حريم حنه
3- امنيه خاصة :P
4- تنبط جبدي لاني ضد اسقاط الديون
5- امي !
6- ههههههههههههههه
7- قنوعه انا ماطلب شي
MANAF
اخ انيق ذو بريق لا يقاوم في عينيه
انا اسفه وحقك علي
معلش غلطه بس مش ندمان عليها
لانها خلتك توضح المعنى وما تطنش
مشكوووووووور يا الكبيييييييييير
Cr8ivia
اهلين
حلو انج تسافرين كل شهر الولد وهو ولد ما سواها تبين احنا نسويها وبروحج بعد اي خير ان شاء الله
بس باقي اجوبتج اعجبتني واهم شي صراحتج
ماراح اسال عن الامنية بس ليش تضحكين على موضوع العصمه ترى راح تصير وبكره تقولين مجنونه قالت
ولا تقولين انج ضد اسقاط القروض لا يحطونج بالائحة السوده ويقتلونج
كش بره وبعيد
تحياتي :)
magnoona
اهتم اني اكوون انيق
وذو بريق لا يقاوم
في عيني
!!
--------
ومو عادتي اطنش
انا مع الاوادم وقاعد انفهم غلط
هالدوور مع الميانيييين
-----------
ما قوول غير الحمدلله والشكر
1. لو كنت بنت راح يضيق خلقي وتصك فيني الدنيا في البداية لكن بعدها أتأقلم على الوضع
2. في أغلب الأحيان .. اي .. المرأة حنانة
3. تكون امنيتي اني اعرف بالظبط شنو احسن طريج لي في الحياة
4. اتضايق لأني ضد اسقاط الديون
5. الوالدة اكيد وبعدين انا ماني فاهم قصدج لما تقولين ابي الصراحة وممنوع التهيلق .. شلون يعني ؟
6. مادري
7. ان البنت تكون ودود اذا طالعتها اسعدتني واذا تركتها ائتمنها على بيتي وما تفشي سري وتفهم ان الحياة الزوجية تحدي مشترك نخوضه مع بعض
لو كنت بنت او كنتي ولد شنو راح تسوووووووون وشنو تغيروووووون؟
اشتغل معلق رياضي واسوي كللللللللللللشي ودي فيه مو مثل الحين ينقدون علي
هل تؤمنين او هل تؤمن بان المرأه هالمخلوق الفقير المسكين حنُانه؟؟؟؟؟؟
المره بالنسبه للرجل حنانه والرجل بالنسبه للمره حنان اذن كل جنس بالنسبه للآخر حنان
لو طلع لكم فانوس علاء الدين وكان لئيم وقرر يحقق امنية وحده من ثلاث شنو تختارون؟
اسوي بزنس
لو تسددت ديون الكويتيين شنو ردت فعلكم؟؟؟؟؟؟؟
بنرجع انتدين مره ثانيه
وابي رد على منكم على سؤال المارينا :لو انت بالبحر ومعاك امك ومرتك واختك\ومعاج زوجج وامج واختج وكنتوا بتغرقون منو تنقذ او تنقذين اولا ((هني ابي الصراحه وممنوع التهليق((؟؟
امي
ثم اختي
وماعندي ريل عشان انقذه بالتالي
لو العصمة بإيد المراه شنو ردت فعلكم؟؟؟؟؟؟؟
الله سبحانه احترم عقل البني ادم وذلك بوضع سبب لكل شيء
اذن السؤال ماذا لو كان الرجل يحمل؟؟
لو تزوجتي او تزوجت شنو الشروط الي تطلبينها او تطلبها غير حقوقكم الشرعية؟
السكن في نفس منطقتي الحاليه
MANAF
اخ انيق ذو بريق لا يقاوم في عينيه
اشكر مرورك
والله يعينك علينا ما يخالف تحمل
@ @
U
Expatriate:
اتمنى ان الله يحقق امنيتك لاني احسها اكثر شي هامك بالدنيا خصوصا بهالوقت
بالنسبه للزوجه كل واحد ياخذ نصيبه عشان جذي الله يوفقك بالاختيار
وقصدي بمممنوع التهليق بسؤالي الخامس هو انك تجاوب بطريقه معقوله من دون مبالغه
مشكوور
عتوج
اهم شي انج معلق يعني تركتي الاحلام الورديه وحلمتي بمعلق ؟!!!!
ومنو هذا الي نقد عليج قوليلي منو عشان اطلع له عنتر ينام بمردانه شقالوا له ما وراج ظهر عشان ينقد
انت بس اشري عليه وانا اوريج شغل الله فيه
(اذا صرت ولد طبعا)
صج عتوج شنو البزنس اكيد مو مطعم صح؟
ومشكوووره
بوست حلو
و بالنسبه للأسئله :
1- لو كنت بنت جان اصير ناشطه لحقوق المرأه علشان اتمتع بالحقوق نفسها و المباهج اللي كانت موجوده يوم كنت صبي
2- مو شرط ... الاطباع مالها جنس معين يعني اذا قلنا الريال خائن مو يعني انه البنات مو خاينات , انا عن نفسي اكون حنّان في شغلات دايمه و ودي افتك من هالطيع ,,, لأن ما ورا الحنه الا الفقر
3- هممم فانوس علاء الدين ؟ الاسلاميين يختفون من الدنيا هم و بقية المتعصبين من الديانات الثانيه
4- راح اموت قهر ... لأني مديت ريلي على قد لحافي و ما تدينت حق سفره او سياره ... و بالاخير تطيح القروض و منو راح يعوضني عن السنين اللي منعت نفسي فيها عن الاقتراض و الصيفيات اللي قعدت فيها بالكويت
5- امي
6- يعتمد على المره نفسهاشلون صايره
7- ماكو شروط معينه
ابو اسحق
حياك الله بالمدونه
والبوست حلو لانه من ذوقك
بالنسبه لردودك احترمها
بس ليش تموت قهر يكفيك بس ان الله فكك من ذنب الفوائد اما بالنسبه للصيفيات فخيرها بغيرها واكيد الجايات اكثر من الرايحات
واول مره اكتشف انه في ريال ما عند شرووووووووووط للزوجه
غريبه بصراحه
شكرا لمرورك
إرسال تعليق