الشغل بالنسبه لي هروب من العالم الي انا عايشه فيه خصوصا من نفسي بس لما اتعب واحس ان الضغط اكبر مني احاول الاقي مكان اقعد فيه بروحي واخذ نفس عميق وافكر بشي احبه عشان ابعد هالتعب عني على الاقل لين ما اوصل البيت والصراحه الخوف من هالتعب ذره من بحر التعب النفسي الي يعتبر القاتل الحقيقي لروحي خصوصا انه ملامحي ما صارت تقدر تخبي التعب على وجهي نفس قبل حتى المكياج بحكم اني امرأه صار قناع فاشل خصوصا مع الهالات السوده حول العيون
في اليوم الي زاد الضغط في الدوام لقيت عمري بوقت الفراغ قاعده اكتب هالكلام عشان ارد العافية واطلع روحي من ظلمات اليأس الي تاكل في الروح وتستغل اضعف المواقف عشان تحطم فينا بقايا الامل في الحياة وتسرق منا التفاؤل
ما تعبت
فيني الحيل
أقدر أقوم
انا أقوى
أنا أقوى من كل الهموم
أنا أقوى
حتى لو اوقف ضد نفسي
راح اوقف بخط الهجوم
راح أحاول وأحاول
حتى لو مل مني يأسي
موأنا إلي امل
راح يظل عندي أمل
وبظل أطيح وأرد أقوم
وبصبر فوق حد اللزوم
لأني أقوى من الهموم
أنا فوق.....
أنا فوق الغيوم
حتى لو ازعل
ما ألوم
