الشغل بالنسبه لي هروب من العالم الي انا عايشه فيه خصوصا من نفسي بس لما اتعب واحس ان الضغط اكبر مني احاول الاقي مكان اقعد فيه بروحي واخذ نفس عميق وافكر بشي احبه عشان ابعد هالتعب عني على الاقل لين ما اوصل البيت والصراحه الخوف من هالتعب ذره من بحر التعب النفسي الي يعتبر القاتل الحقيقي لروحي خصوصا انه ملامحي ما صارت تقدر تخبي التعب على وجهي نفس قبل حتى المكياج بحكم اني امرأه صار قناع فاشل خصوصا مع الهالات السوده حول العيون
في اليوم الي زاد الضغط في الدوام لقيت عمري بوقت الفراغ قاعده اكتب هالكلام عشان ارد العافية واطلع روحي من ظلمات اليأس الي تاكل في الروح وتستغل اضعف المواقف عشان تحطم فينا بقايا الامل في الحياة وتسرق منا التفاؤل
ما تعبت
فيني الحيل
أقدر أقوم
انا أقوى
أنا أقوى من كل الهموم
أنا أقوى
حتى لو اوقف ضد نفسي
راح اوقف بخط الهجوم
راح أحاول وأحاول
حتى لو مل مني يأسي
موأنا إلي امل
راح يظل عندي أمل
وبظل أطيح وأرد أقوم
وبصبر فوق حد اللزوم
لأني أقوى من الهموم
أنا فوق.....
أنا فوق الغيوم
حتى لو ازعل
ما ألوم
هناك ١٣ تعليقًا:
احنا فعلا كتير بنحتاج لشحن ذاتى علشان نقدر نكمل
في كل واحد فينا مفتيحه هو الى يقدر يحرك نفسه بس لو فهمها صح
وتحياتى ياجميل
:)
كلامج حلو والله وفعلا كل انسان تمر عليه مثل هذي الظروف ولازم يقعد مع نفسه ويحاول يبني اللي تهدم..الله يبعد عنج الهم والحزن ويسر قلبج ويفرحه دوم يارب
واذا ضاق خلقج تذكري انه في رب كبير يفرجها عنج برحمته الواسعه
دمتي بود
هذي الدنيا
و لا يغلب عسر يسران !
و ماضافت الا فرجت
و مصير الليل لفجر يكسره و لا يقنط من روح الله الا القوم الكافرون :)
دمتي متفائله
تفااااااااااااؤلي
و توكلي على الله
سبحااااااانه
عمرج 21 سنه و تعبانه من هم من هموم الدنيا
فكري في حياتج
عيشيهاااااااا
دوري شي يونسسسسسسسس
استمتعي
لا تكدرين عمرررررررررررج
ابد لا تكدرين عمرج
كلش كلش غيري نفسيتج
بشغلات بسيطه و تسبب سعاده
غيري شكلج
شغله في دارج
اشتري شي تحبييييينه
استاااااااااااانسي
فرححححححححححححححححي
و تفائلو بالخير تجدوووووووه
محض الروح
اسعدني وجودك وزيارتك
الانسان خليط من المشاعر والذكريات والمواقف الي تاثر فيه وفي محيطه الخارجي بس مع ذلك انا اشاركك الراي بان لنا مفاتيح لو عرفنا القفل المناسب لها لاستطعنا التحكم بحياتنا
انت اجمل بشفافيتك
شكرا لك
toffy:
دايما اقول انه ما تضيق الا وتفرج وكل شي وله نهايه بس احيانا الضغوط تكون فوق طاقاتنا ولابد وانه نحاول نسيطر عليها ولو بدقيقة هدوء واستسلام مع النفس
مشكوره على دعوتج وكثري منها بس للكل لا تحددين لانه الكل محتاجها حتى لو ما بينوا هالشي
تسلمين يا العسل والله لا يحرمني منج يا الغلا
Cr8ivia:
مشكوره لمرورج على المدونه بصراحه تواجدج اسعدني وشي حلو اني اشوف انسانه واضحه وصريحه مثلج تنصحني لاني عارفه انه قيمة نصيحتج لا تقدر بالمال في زمن من يضحك لك ضحك عليك
الله لا يقوله ونتشبه بالكفار بس هذي طبيعة النفس البشريه ماترضى باي حالودايما يكون احساس الياس اقوى من التفاؤل في ظل الضغوط
وشكرا لك
لوير :
حبيت اكتب اسمج مثل ما نت تكتبينه في تعليقاتج
وايد استانست لانج زرتي المدونه وادري صدمتج بحالتي
صج انه عمري 21 بس والله من كان عمري 5 سنين والكل يقولي انتي مره كبيره مو ياهل وتعودت على جذي عشان جذي ما كان عندي طفوله وكبرت انا والمسؤليات ملازمين بعض ومتخاوين رغم كل الصعاب
وترى والله حاولت اسوي شغلات وايد من الي قلتي عنهم بس ما كو فايده
ما اقول الا الله كريم اما بالنسبه للتفاؤل لن اتنازل عنه ولن استغني حتى لو وضعوا حد السيف على رقبتي
مشكوره يا وخيتي
Very good. thank you
have a good day
إذا داهمتك داهية فانظر في الجانب المشرق منها ، وإذا ناولك أحدهم كوب ليمون فأضف إليه حفنة من سكر ، وإذا أهدى لك ثعبانا فخذ جلده الثمين واترك باقيه ، وإذا لدغتك عقرب فاعلم أنه مصل واقي ومناعة حصينة ضد سم الحيات. تكيف في ظرفك القاسي ، لتخرج لنا منه زهرا ووردا وياسمينا { وعسى ان تكرهوا شيئا وهو خير لكم }
من كتاب لاتحزن
david santos:
اسعدني تواجدك وشكرا لمرورك
لازلت استغرب حياتك في ارض الغربة؟؟؟؟؟
سالفة قلب:
حياج الله
بصراحه الكتاب الي انت نقلت عنه الكلام جاني هديه من زميلتي بالدوام لانها معجبه بحبي للقراءه مو لانها قرت المدونهوهالشي خلاني اوقف قراءه للكتاب الي بديت فيه واقرا كتاب لا تحزن لعايض القرني
وتبين الصج الكتاب يجذب مكن اول صفحاته شكرا لمرورج ولاختيارج هذه الكلمات
جيت هنا بالصدفة ولقيت نفسي بقرا كل بوستاتك انتي بجد شفافة وكلامك بيعبر عن حجات جواك اكتبي استمري جميل بجد
إرسال تعليق