١٣‏/٠٢‏/٢٠٠٧

لحظة ضعف

امس مريت في موقف وايد عادي ويصير مع وايد ناس بس فجأه حسيت اني انظلمت وبدت دموعي تنزل
تاخرت عن موعدي مع الدكتور وكان هالموعد مهم عشان الدكتور بهالموعد راح يشيل غرز العملية حاول دكتور الطوارئ يحصله بس اكتشف انه دخل غرفة العمليات عشان جذي تاجل موعدي لليوم وانا بغرفة التضميد طلعت دموعي ولما خلصت لبست نظاراتي وطلعت للوالد الي كان ناطرني بس مع دموعي وبالسياره طلعت معاي هالكلمات الي كتبتهم مسج على موبايلي
ابي اشكي وابيك تسمع
تعبت عيوني وهي تدمع
اخاف اليأس لي يرجع
ليتك بحالتي تشفع
ابي تشوف انا شفيني
وشنو إلي بجاها عيني
منو إلي صحى الخوف فيني
منو سرق ضحكتي مني
وبكل بساطه تجاهلني
منو احيى روحي فيني
وحرك دمي بشراييني
وبلحظه ابتعد عني
اخذ فرحتي مني
خيب فيني ظني

هناك ٩ تعليقات:

حنطفيس يقول...

مدونه رائعه

وكلمات جميله

شكرا

bo9ali7 يقول...

مادري شقول
والله الدموع تجرح وتريح

magnoonah يقول...

مرحبا
حنطفيس: شكرا لمرورك ودمت بود

بوصالح: بالضبط هذا الي احسه انه الدموع تريح بس الخوف ان شافها غيرك ضعف
وتحياتي لك

Expatriate يقول...

اقعد .. لالا اقصد ماشاء الله
هالكلمات طلعت وانتي بالسيارة ؟
هذي مو موهبة
هذي ملكة - بفتح الكاف واللام والميم

اي والله .. ليدمعت العين دمعها ما يكون مجرد تعبير عن مشاعر

barrak يقول...

ابي تشوف انا شفيني
ابي تقرا حجي عيني
ابي الامان
ولحظه حنان
ابيك تداريني

كلي شكى من يأس احتواني
كل قطعة بقلبي تإن وتعاني
من يشفع لروح اشتقت
من يرجع حياة انتهت
من يحرك دمي
بشرايبني
ابيك تداريني

من سرق ضحكتي مني
من اللي خيب ظني
من اللي وياي وضدي
من يداوي من يهدّي
من اللي يحس
فيني
ابيك تداريني

Unknown يقول...

من بجى
من الهم استراح :)

الحين بعد ما بجيتى
ابتسمى:)

magnoonah يقول...

expatriate:مشكور من ذوقك بس مو لهدرجه لا تحدني باجر اكتب معلقه واقص على نفسي :)

براك:دايما كلماتك تستفز شي فيني ما ادري ليش

من يرجع حياة انتهت

لا يا براك ما راح استسلم لين ما تطلع هالروح من هالجسد رغم كل احاسيسي بالنسبه لي الانهزام نكره نا اعترف فيه

كلماتك كالعاده روعه وصادت المقصود منها ولي الشرف اني اقراها على تعليق لمدونه من مدوناتي

شكرا

مشاري: اكذب لو قلت اني ما ابتسمت من كلامك وراح ابتسم بويه كل هم

مشكور لتشجيعك لي


تحياتي

magnoonah يقول...

كالعاده بدليه
براك: في السطر الرابع
قصدي اقول: ان الانهزام نكره انا مااعترف فيه

LoCoDiaRieS يقول...

صج الدموع تريح

بس تقهر لي احد شافها

الله يريح قلبج

وكلماتج روعة ,,

تقبلي مروري