لحظة ضعف

امس مريت في موقف وايد عادي ويصير مع وايد ناس بس فجأه حسيت اني انظلمت وبدت دموعي تنزل

تاخرت عن موعدي مع الدكتور وكان هالموعد مهم عشان الدكتور بهالموعد راح يشيل غرز العملية حاول دكتور الطوارئ يحصله بس اكتشف انه دخل غرفة العمليات عشان جذي تاجل موعدي لليوم وانا بغرفة التضميد طلعت دموعي ولما خلصت لبست نظاراتي وطلعت للوالد الي كان ناطرني بس مع دموعي وبالسياره طلعت معاي هالكلمات الي كتبتهم مسج على موبايلي

ابي اشكي وابيك تسمع

تعبت عيوني وهي تدمع

اخاف اليأس لي يرجع

ليتك بحالتي تشفع

ابي تشوف انا شفيني

وشنو إلي بجاها عيني

منو إلي صحى الخوف فيني

منو سرق ضحكتي مني

وبكل بساطه تجاهلني

منو احيى روحي فيني

وحرك دمي بشراييني

وبلحظه ابتعد عني

اخذ فرحتي مني

خيب فيني ظني

جزء من املاكي

عندما امر بلحظة من لحظاتي الخاصة لا اجد العزاء لنفسي الا بكلماتي تلك التي تملؤني رغبة بالبكاء علها تخفف من الاعباء التي يحملها قلبي لحظاتي ,,,,,,,,,,,,,,, تلك التي ارى فيها دموعي لحظاتي,,,,,,,,,,,,,,, حيث اشعر بكل اوجاعي لحظاتي,,,,,,,,,,,,,, بعيدا عن فكري الواعي بيني وبين نفسي وبين جدران الزمن المتداعي اسرق تلك اللحظات لي ....... لخيالي............ لاحلامي................. لابحر بسفينتي وارفع شراعي بعيدا عن الهموم تحت ظلال الغيوم حولي الهواء وتغطيني الارض والسماء تلك انا هناك بعيده عن مرساك لا اتنفس هواك ابحث عن حريتي ابحث عن فرحتي متجوله في عالم احلامي في صحوتي ومنامي دون قيود دون حدود و فجاه هناك من يناديني دون ان يسمع انيني أو حتى يشعر بحنيني للحرية للحب للحياة للراحة للفرح للصدق للسعادة فينتشلني ليعيدني الى احزاني حيث تكون أوطاني يملؤها الالم ويملؤها الندم وعندها اعود لواقعي محاولة ان ابعث التفاؤل بنفسي واشجعها على ان تجد طريقها في الحياة تلك التي اجد ان اسم معركتي يليق بها اكثر من اسم حياتي

يوم من القهر في حياتي

اليوم ولأول مره حسيت من قلب انه هالزمن ما فيه أي اثر للرجوله والدليل المواقف إلي صارت جدام عيني اليوم أولها الأخ الشاطر إلي تارك سيارته بنص الشارع من دون اشاره او علامة وتاركها وماشي كأنه شارع أبوه وطبعا بما انه احنا طلعنا من الاشاره الأولى وشفنا هالاشاره خضرا ما هدينا السرعة وأنا إلي جدامي وانيت وطبعا ما شفت أي شي غير البريك الي خذاه وطبعا انا معاه عالخط ماخذه بريك اقوى من بريكه والاخ الي وراي جا طاير وعطاني هذاك الهرن إلي خلا إلي ما يشتري يتفرج من اللقافه لا هذا وانا معطيته اشاره أني بلف بعد والاخوان الباقين ولا واحد فتح المجال لي عشان ألف ماعدا بنت وقفت بنص الشارع وفتحت المجال صج لو خليت خربت وهذا كله من غير الخرعه إلي فيني ثانيها وبنفس اليوم الحلو رقم 1 إلي بالمستشفى ،الله يسلمكم دكتوري مو موجود اليوم وطبعا من غباء إلي بالرسبشن ما تركوا ملاحظه للمرضى وصار زحمه ولخبطه لان المسئول ما دبر دكتور بديل عشان جذي رحت للرسبشن اسأل شنو الحل وحولوني على الحلو إلي كان يحاول يأخذ عدد معين من المرضى ويقول للباقين روحوا بيتكم محد راح يستقبلكم ((على كيفه الاخ)) أو ان المراجع يكلم الدكتور أو بالأحرى يتوسله انه يستقبله وبما انه البنات واقفين على جنب عشان ما نضايق الشباب قام الحلو اشكره وطنش البنات وسجل الشباب بس ،حتى الي وصلوا متاخرين منهم بدون حتى لا يحترم حتى الامهات الكبار الي كانوا واقفين معانا بالطابور وبعدين قال خلاص اكتمل العدد ولما كلمنا الدكتور وافق يستقبلنا بعد ما شرحنا حالاتنا((وهذا بعد قصته قصة بس ما راح اجييب طاريه)) وحددوا لنا مواعيد وبدا الحلو ينادي عالمراجعين عشان يأخذون كروتهم وجنه يكلم نفسه فمحد خذا كرته لا والي يبط الجبد صج انه يعامل الكل بنفس خايسه ثالثها وبنفس اليوم الحلو رقم 2 إلي تطاول على مراجعه وتبلى عليها جذب جدام باقي الموظفين إلي خلا المسكينة تحاول تشرح لهم انه جذاب وانه إلي يقوله ما صار بس ماكو فايده احساسها بالاحراج ظل معاها حتى لما طلعت من الدكتور انزين هالخبل ما قال حرام هذي مسكينة وما لها ذنب عشان يسوي هالحركه التافهة فيها الحين أمنتكم الله هذي سوالف يسوونها الرياييل بالحريم مو عيب هذول مو خواتكم ولا ترى منهم أمهاتكم إلي اغلبهم أميات ومحتاجين الي يسهل عليهم مراجعتهم بهالعمر على الاقل قول اجر من الله يعني الريال يتحمل بس المره حتى وقفتها بين الرياييل قويه شوي بعين الناس والله حتى ابوي أنصدم من حركاتهم إلي صارت جدام عينه واتفاجأ حتى انه حاول يكلمهم عشان يساعدنا بتسجيل المواعيد انا وبنت كانت تراجع لابوها المقعد الكبير بالعمر.

2007

مرت الأيام بسرعة بدون حتى لا نحس فيها حتى الواحد ما يدري هو عاش ساعة أو يوم. وبالوقت إلي مر سوى كل إلي بخاطره ، خلص شغله ، حقق إلي تمناه ولا لأ. في احد قعد مع نفسه ولو لساعة مو ساعة دقايق وتذكر اغلب إلي مر فيه بهالسنة قبل لا يودعها ويطويها صفحة من الماضي في كتاب قدره إلي انكتب له حتى قبل لا يطلع على وجه الدنيا ويشوف جم مره سوى شي صح وجم مره غلط وشكثر خسر في حق نفسه وحق غيره وشنو كسب من هالعمر لوجه ربه ولنفسه وحتى للي يعيشون في محيطه من اهله ، زملاءه، اصدقاءه وحتى عامة الناس الي يمرون في حياتنا ويغيرون فيها حتى من دون لا نحس بوجودهم. سامحنا من غلط في حقنا. اعتذرنا للي غلطنا في حقهم. اعترفنا بأخطاءنا او حتى بمشاعرنا. واجهنا مخاوفنا وانتهينا منها. حلينا مشاكلنا ولا بتسافر معانا للسنه الجديده. افتكينا من طبايعنا الي تكره الناس فينا. شلنا جزء من الهم الي على كتافنا او كله. خسرنا غالي مات في الدنيا عاش في قلوبنا. حبينا او انحبينا ، كرهنا ولا انكرهنا، عرفنا مشاعر يديده وكونا علاقات اجتماعية ناجحه. نجحنا وتقدمنا خطوة من التطور والنجاح وخذينا جزء من حقنا من التقدم و العلم الي صار بهالزمن شي ماله معنى . طابت جروحنا وبرت ولا للحين. إلــــــــــــــــــــــــــــــــــــــــــــــخ........................ كل هذا واكثر فكرنا فيه يهمنا ولا ما يهمني وشنو ناوين نسوي بالسنة اليديده واذا احنا راح نعيش ولا نموت. الله أعلم. كل عام والكل بخير وعيدنا كلنا مبارك وعسانا نعوده بصحه وعافية والله يعطي الكل العمر الطوي

العيد هالمره غير

ما حصلت عيادي بهالعيد لاني كبيره امنا الله............. ادري انه جمعت الاهل وانك تشوف الكل فرحان وريحت البخور في البيت والقهوة والحلويات والكل ناطر عشان الجمعه تكمل ونبدا العيد وشنو البس وشنو ما البس ووين نروح وشنو نسوي كل هذا يعطي طعم خاص للعيد . وبما أني مسؤوله عن التجهيزات للتجمع الكبير كسروا فيني هالعيد وقعد الكل متأخر والوالد ما عايدني والاخوان ما شرفوا الا العصر الي خلاني اصب القهوه بالمغسله واحط الفطاير بالثلاجه لعانه فيهم والبس بجامتي واحط راسي ونام بلا عيد بلا بطيخ. لا وإلي يحر ويقهر لما يقولون أني فاضية ومتعوده على قعدت الصبح واني غلطانه ولازم ما امد البوز شبرين لانه الحق علي بالامانه شنو اسوي فيهم حتى خاطرهم ما كسرته الله يسامحهم