تتساقط قطرات المطرمنتشيه
رغم اقتناعها ان نقطة الوصول هي نهايتها
وبالقرب منك اقف لاحتمي بمظلتك
عندما يداعب الهواء وجنتي
وتداعب لمساتك حواسي
اراقب المطر خجلا
لاجذب ناظري بعيدا عنك
لعلي اخفف من رجفة جوارحي
واسكن الزلزال بداخلي
انا
انت
واالمطر
تتساقط قطراته كانها تعزف لحنا
يطرب الارض ويرقصها
فرحا لاجتماعنا معا
في موعد غلبته ظروف الصدف
لتتركني اطوع نفسي لك
مستمعه لموسيقى المطر
ممسكه بيدك بكل رقه
ابحث في عينيك عن نفسي
لاجدها تدلني على قلبك
لاجد نبضاتك تنسق الايقاع مع المطر
لتعزف لقلبي نغماته
في لحظه يتوقف بها الزمن
وتتوقف بها الحياة
فلا نكون الا انا وانت والمطر
لا يفرقنا سوى معاطف تقي اجسادنا الدافئه
فتفصلنا رغم احتوائنا لبعض
واستسلامنا لواقع اقرب مايكون للخيال
اشعر بانفاسك كانها همسات حب باذني
اشعر بيدك كانها تتمسك باصابعي حرصا علي
اشعر بنظراتك تلتهمني شوقا ولهفة
اشعر بنبضات قلبك كانها طبول الحرب
تعلن انتصار رغباتك
اشعر بتلك الرجفه التي تتخلك وانت معي
اشعر بك تاكد اني اشعر بك
اني اهيم بك رغم خوفي من ان اعشقك
رغم جهلي لاسباب استسلامي لك
اكره واعشق بذات الوقت اتحادك مع المطر على قلبي
الا انني اصل الى نشوتي
عندما ارى بعينيك شي لا يفهمه احد
لغة لا يعرفها الا انا وانت
تعني بالمختصر انك ...............
وانا اعترف لنفسي بذلك
اعترف لقلبي قبل ان اعترف
لك انت
لاترك نفسي تفرح بالمطر
فهو صديقي وخلي في اوقات احتياجي لك
وفي لحظات ابتعادي عنك
له اتقرب له اهمس له اقول
وابوح بكل ما يجول في دهاليز نفسي
لاجد نفسي امامك صفحة بيضاء
تنتظر ان تخط احرفك الحياة عليها
هناك ٥٨ تعليقًا:
صوت المطر .. تعويذة تسحرنا
ننطق بما اهو مخفي ..
و نفكر بما هو مجهول ..
شكرا للمطر على هذه الخاطرة الحلوة ..
و لجنونك كل السحر :)
توني كاتبة عن المطر
وادخل اهني واقرا عن المطر
الله
والله انتي روعة
من شفت الصورة رحت عالم ثاني :")
مجنووووووووعه روووووووووعه كلامج
احسااااااااسج
رووووووووحج
و البوست الي فاااااااااات عذبني بصراحه لاني انا و رفيجتي مجابلينه انتناااااااقش فيه
احتااااااااجه وايد :*
وينه؟
على قولة غلام اللي في دري الزلق
بس بالكلام
!!
الله
حسيت إني واقف تحت المطر وانا اقراها
مشاعر طفلة
جميلة وبريئة وطاهرة كقطرات المطر
**
تركت لخيالي التحليق مع كلماتك
فستمتعت وأنتشيت
وضاعت مني كل التعابير المناسبة
لا أملك إلا أن أقول جميلة
جدا جميلة
**
تحياتي لج أيتها المبدعه الصغيرة
sa7 ilsanich
ya zen il mu6ar
ليش دايما المطر يكون مفتاح
الخيال؟
خصوصا الرومانسيات
ليش ما تتفتح القريرة بالصيف
مع اللواهيييب
:)
ودمتم بحب وود
رسمتِ لوحة كانت بالفعل ابداع ...
تجبرنا على معايشة الصورة المرسومه...
لله درك على جمال قلمك ورقي فكرك
اختك
ريم
a7La eNG
حيالله الشيخه
:)
نورتي المدونه حبيبيتي
فعلا المطر مو تعويذه مسيطه على الكل والحلو انه الكل مستمتع بسحرها
شكرا لتواجدج
ما ننحرمش
:)
نونو
حبيبت قلبي انتي
تدرين لما قريت بوستج ابتسمت من قلبي كانه طفله صغيره كاتبه شي ببراءه وعفويه
الصوره اعجبتني وكانت ملهمه فقررت انسخها هني
اشووه اعجبت احد
؛))
خفة الطينه لوير
مجنوعه؟؟؟؟؟؟
منو هذي ما اعرفها
:))
خوش بدليه مو منج من الي فيج
؛)
البوست الي طاف قصته قصه
المهم انه لمس شي فيج
يسلم لي الله روحج يالغاليه
:**
حلم
لا تقول وينه قول ان شاء الله ما يطول علينا
وبعدين ما ينلام لو طول انت شايف الناس الي عايشه بالاسكيمو وتمشي بشوارعنا اكيد بينحاش بسبتهم
مو مشتاق للمطر ؟؟
ادعي انه ينزل
:))
حسووون
:))
مشكوور وايد
المطر بالنسبه لي شي مو بس احبه اعشقه تلاقيني دايما ماسكه بالدريشه مع انها حييل بارده واراقبه
ذكرياتي لما اقعد معاه بروحي واااايد
له هيبه ترسم وجوده بسعاده وبرومانسيه اكثر
اتوقع من جذي الكل يحبه واولهم انت
؛)
Cr8ivia
لج وحشه
لي حق اعتب عليج
وينج؟؟
تدرين زيارتج هذي بالدنيا صج فاقدتج
جان لي شي بقلبج نزلي بوست يديد خلي كرتوفه ترجع مثل اول
صح بدنج يالغاليه
:))
مستر سلوقا
انت قلتها لواهيييييييييييييب
يعني انت متخيل الحر والخسيه ومخك قاعد ينصهر وقاعد تتخيل حب ورومانسيه
من صجك انت؟؟؟؟
شوف لو بكتب بالصيف بمدح التكيييف واعبر بالبحر
بعدين المطر حلو ليش؟؟
الجو البارد يعطي رجفه للجوارح وصوت المطر يخلق جو هادي يخلي الروح تستسلم لسكينه غريبه اما القلب وبمشاعره الدافيه لكائن من تكون تعطي دفا من نوع ثاني للروح قبل الجسد
وشكرا لتواجد سموكم
:))
الات العزيزه ريم
منورتنا الغاليه وسعيده بزيارتج
:))
مشكووره يالغاليه الحمدلله حاز الكلام على اعجابج وهذا من ذوقج يالغلا
وحياج الله بمدونتي المتواضعه
:)
أخاف ان تمطر الدنيا ولستِ معي
فمنذ رحتي وعندي عقدة المطرِ ِ
من احلى اغاني كاظم
ذكرتيني فيها :)
مين مايحب المطر خصوصا لو زين كلمات خاطرتك الجميله :)
nice
الاحلى من المطر هو صوته على سقف الخيمة وامامك الدوّا وعليها غوري الشاي المخدر وصوت البانشيات يروح ويجيء
وصورة الهندي وهو يطل من باب الخيمة متلثما بشماغ قديم وهو يقول مقاطعا
بابا بانزين خلاص
:)
المطر والقمر والبحر
اذا اجتمعوا
(:
تذكرين مره كتبت
للمطر حس
ابدعتيييي يا احلى مجنونه
واو حدهاااا
تسلم ايدددج
رغم جهلي لاسباب استسلامي لك
اكره واعشق بذات الوقت اتحادك مع المطر على قلبي
الا انني اصل الى نشوتي
عندما ارى بعينيك شي لا يفهمه احد
لغة لا يعرفها الا انا وانت
عجيبه هالابيات
تصبحين على خير
:)
تعبير ولا أروع :)
كل فصل وله جمالياته وشاعريته
بعدين بالكويت ثلاث أرباع السنة صيف
شلون يعني ما نتغزل بالصيف
:p
وفيروز قالت
حبيت بالصيف حبيت بالشتي
أنا موجود دائما
أيتها الكونتيسة
magnoonah
:)
ودمتم بحب وود
ناطرين هالمطر
شكله مطول السنة
روعة روعــــــــة ,,من تلك الكلمات احسست بالمطر بلا مطر..
و اجزم اني احتاجه ..
شكرا ..
بقطراتك الممطرة بخيال المطر ...
تبللت و استمتعت ...
وااااااااي شنو شنو كلمات شنو احساس شنو مطر
والله عورتي قلبي
تصدقين كنت احسب اني الوحيده الي لي طق مطر اين بس مشالله الكل طلع يستخف و تطلع المشاعر بالمطر
مشكوره يالغاليه على البوست الروعه والله صج صج روعه مثل صاحبته
salamz sis..
مساالورد والجوري
لاحلا واغلا مجنونه
بقلبي
غاليتي الصغيرونه
كلماتك شلال عذوبه
لا تتوقف
سطورك
من النبض بالحياة
فهي كل الحياة
:)
أذابني هذا التعبير
تنتظر ان تخط أحرفك الحياة عليها
الله
وهل سيطووول الانتظار؟؟؟؟
دمت بدفء وعذوبه
ابدا
ياغاليتي
الصغيرونه
:)
جان زين من زمان نازل مطر
عشان نشوف هل خواطر القويه
شكرا
روعة
يا قلبي ابتسم
كيف امحوكي من اوراق ذاكرتي
احلى شي يقوله بالاغنيه
تدرين ما كنت اعرفها نصحني فيها يعقووبوو
:))
بصراحه ذووووق انتي معاه الاغنيه صج مالت جو مطر
مشكووره يالغاليه
:)
حمودي
thank U Bro
:))
فريج سعوود
:))
اهم شي البابا الي بيطلع بعز البرد والمطر اييب بانزين
وناااااااسه شكله الجوو عندكم بذيج الايام شي
يبيله بعد هالسنه جان الله كتب
نصيحه انا لو منك اقول للهندي يروح اييب بانزينويرجع بسررعه واستمتع بذاك الجووو
:))
الله يخلي البابا وعساه عالقوه
يعقووبوو
تدري من اكثر امنياتي الي دايما يذكرني فيها المطر ويصير ودي احققها
اني اروح البحر لما يطق المطر واشوف الجو شلون صاير
اتوقع بيكون جو خيالي ولا لو باليل بعد اتوقع بيصير احلى واحلى
:)
الشيوب المسمسم براك
اذكر اني قريت للمطر بمدونتك القديمه بس ما اذكر اسم البوست
وتاكد انه مافي اثنين يختلفون على روعة اسلوبك بالكتابه بس الله يسامح الي خذا شي مو من حقه
تحياتي لك
حبيبتي كوكه
الله يسلمج يالغاليه
الروعه انج فاهمتني وحاسه فيني
والاروع احساسج يالغلا
ما تدرين شكثر استانس بتعليقج عندي
وانت من اهله حبيبتي
:*
الزين كله
مشكووره حبيبتي
ايي جذي شجعيني وشوفي الابداع شلون يصير
:))
مستر سلوقا
انا اتفق معاك واختلف
شلون ؟
انا اقولك
صح كل فصل له جماله وشاعريته الا صيف الكويت
ومو صح انك تقيس اغنية فيروز على جو الكويت لانه فيروز غنتها بلبنان
:))
وصيف الكويت عن صيف لبنان شتااااااان
عشان جذي الرحمه نبي مطر
يشرفني تواجدك الدائم وما ننحرمش يا مستر
:)
بوووعسكوور
اي والله صاج تصدق بلشت افقد الامل
:(
يعني طول وايد
غريبه مو؟
MnO YeNSa
ممكن اعرف وين الغيبه يا انسه؟؟
اشرقت وانورت واستهلت وامطرت نورتينا
:)
لا تطولين الغيبه مره ثانيه ولا ترى تشوفين ما لا تحمد عقباه
ما دري شسمه
:))
مشكووره على الكلام الحلوو
المطر ياااااه يالمطر صج له وحشه اتوقع صابته عين ولا شي ومو راضي ينزل قلنا نمطركم هني بجم كلمه على ما يوصل
:)
مسز خروفه
انتي ليش كله قلبج يعورج
يا قلبي انت رحمي هالقلب من زوود الحساسيه
لما يطق المطر نستخف ما اعتقد نين اكيـــــــــــــد
من صجج نطري خل ينزل المطر والله تشوفين شي غريب بالعالم
وخصوصا بالمدونات فينا فقر مطر
:)
بس مو فقر رومانسيه بفضل مدونة حضرتج
:)
سلامزات حبيبتي
فوفه
مساء الانوار
لاروع واطيب مخلوقه على وجه الارض
كلماتك شلال عذوبه
هالوصف روووووووعه بصراحه ووايد حلوو
اخجلتيني فيه مثل ما كل مره تخجليني بكلامج الراقي
:)
اما التعبير الي اذابج فتاكدي انه الروح ملك لشخص واحد وعقل واحد بيده فقط يسيرها بهذه الحياة
ماله داعي الانتظار دام فينا نحب بمليوون طريقه
وحبي لج واحد من هالطرق الي تخليني كل ما اقرا تعليقج ابتسم
:))
مشكووره يالغاليه
كويت بلوقر
ما نزل والله ما نزل طلع من عينه هالمطر شنو الناس عندها ثلج واحنا بالشتا الشمس تطلع بعينك
شنو هالتفرقه؟؟
:(
بس جد والله مشكوور
:))
سعيده انه الكلام اعجبك
بكتب بعد هن المطر اتمنى تقرا
:))
الحين اقتنعت ان ادمان النت يمشي بدمك
:))
Ni3Na3aH
واو حبيبة ليمون عندنا
:))
يا مرحبا يا مرحبا
حياج الله يالشيخه سعيده بزيارتج
ومشكووره وايد
:)
دعيت
دعائي طق السقف و رجع
ماكو مطر
كلمات أكثر من رائعة
برافو
اللــــــــــــــــه
جميل
عيدج مبارك حبيبتي
وعساج من عواده
عيدج مبارك
وكل عام وانتي بخير
:)
حلم جميل
بالعكس دعوتك وصلت السما ان شاء الله والله بيحققها لك في يوم من الايام
:)
اكو مطر بس ناطر الشوق يوصل فينا حده عشان ايي
كل عام وانت بخير وعيدك مبارك
:)
dreamer
زياره اولى اتشرف فيها خصوصا لما قريت مدونتك عجبني اسلوبك الثقافي
اتمنى تكون مدونتي حازت على جزء من اعجابك
مشكوور على التشجيع
هذا من ذوقك
:))
كل عام وانت بخير وينعاد عليك
اخوي عثماني
الله على غيابك الي طال
والله واخيرا زرتني ونورت مدونتي
والله يخليك مشكوور
والله يسامحك على اخر بوست
كل عام وانت بخير وعسام من عواده
اللهم امين
:)
مملوحه
انتي وينج؟
قبل امس اقول وين غاطه هالبنت
المهم صبرت ونلت
كل عام وانتي بخير يالغاليه وعساج من العايدين والفايزين
:))
حوسن
:)
يالرشيق
ايامك دووم سعيده واعياد
ينعاد عليك وانت بصحه وعافيه
مشكوور
:)
عيدج مبارك حبيبتى وكل عام وانت بالف خير
:*
هلوووو حلوه
عيدج مبارك سويتي
و عساج من العايدين يارب
salamz sis...
احلى كوكه
عيدج يتبارك وايامج سعيده
:)
خروفه
اليوم يومج
؛))
ايامج سعيده حبيبتي وينعاد عليج يالغاليه
:)
إرسال تعليق