سعيده :)

واخيرا اااااااااااااااااااااااااااااااااااااااااااااا

ما بقيت

رجع جهازي بعد فتره قضاها في الشركه لاعادة التأهيل نتيجه لخلل بالذاكره

ادري انه العوده مؤقته بس انا سعيده فيها لين توصل القطعه الي بطلبها من بره ويرجع المهندس من سفرته

انا سعيده مو بس سعيده ووايد مستانسه برجعته ممكن تعتقدون انه فرحتي مبالغ فيها بس انا عاذرتكم لانه علاقتي بلاب توبي وايد عميقه ومالي غنى عنه ويمكن اقضي معاه وقت اكثر من الي اقضيه مع البشر يعني باختصار مالي غنى عنه

والحين بعد ما رجع ورديت اضفت عليه لمساتي الي تحسسني انه مو غريب علي اقدر ارجع لمدونتي وللناس الي احبها

وعلى طاري مدونتي

كل عام وانتم بخير وعسى الله يعيدها على هالمدونه بصراحه كانت سنه حلوه مرت علي بهالمدونه عرفت فيها ناس يسوون ذهب وعرفت ناس ما يسوون وكسبت اهل من خوات واخوان ادعي ربي انه ما يخليني منهم ولا يحرمني من وجودهم بالدنيا

سنه كامله زدت فيها معرفه بالناس وعرفت قيمة التعامل الراقي دخلت قلوب ناس وايد وكسبت قلوب طيبه وشفت مدونات وايد الي كان فيها الحب والي فيها احساس الاخوه و الي فيها البراءه والي فيها العجب والي فيها الثقافه والي فيها الشين للاسف والي اكتشفت انها محجوبه بديرتها والي وجودها غلط والي والي والي .........................................الخ

بقلبي كلمه بقولها للكل الي احبهم هني واحب مدوناتهم واحترم تواجدهم ولي الفخر بمعرفتهم

مشكوورين على الاحاسيس الراقيه الي خليتوني اعيشها مشكوورين لانكم موجودين حوالي ومشكوورين لانكم تقبلتوني اخت لكم وتقبلتوا الي اكتبه مشكوورين واااايــــــــــــــــــــد على وايد اشياء يمكن انتم ما تحسون بقيمة هالشي عندي ويمكن يكون بسيط بالنسبه لكم بس الله الشاهد انه يعني لي وايد

مشكوورين لانكم زرتوا عالم مجنونه الي هو عباره عن مدونه تتسطر عليها كلمات شعر بها قلبي وفكر بها عقلي والهمت الاحاسيس اناملي لاخطها لكم حروف وكلمات علها تلمس شي بداخلكم لتصورني لكم مجرد انسانه تتكون من كتله من المشاعر والاحاسيس المبعثره والمختلطه معا

شكرا

:)