الله يا معظم قسوتك
تسرقني من عز رقادي
تفززني وانا صاحي
الله يا هي قوتك
ما تفارق فكري وفؤادي
مستوطنه بقمة جراحي
مو انا ؟
وردتك
لعبتك
دلوعتك
وينها عني رحمتك
وينه دفا ذاك القلب
كيفها كانت رحلتك
كيف مشيت ذاك الدرب
نجحت يا شاطر خطتك؟
لما بيدك طعنت الحب
لا تحاول
مليت انا ظلمك وجورك
لا توسل
مايفرق غيابك وحضورك
لا ترجا
تعبت ارضي غرورك
ما تنفعك
كلمتك
دمعتك
لمستك
ما اخترت انا غربتك
اخترتها انت
ما اقدر انسى جراحك
وارجع مثل ما كنت
مو بيدي اغفر طعنتك
دامك لعذابي ادمنت
ودي امسح القسوه من تعابيرك
دام الزمن فينا يمر
ليه تعطي للفرح لحظه
وتاخذ للقسوه عمر
ما ودك تعيش العمر كله
دام ما فينا للصبر صبر
نهايتي اني صغيره على الحب
لكني بقلبي كبيره
وتاكد ما عندي لك قلب
تكون روحي له اسيره
