برى جرحي
وذابت كل جبال الخوف
وانطفت شمعه
كانت تلهب حشايا اليوف
ووقفت دمعه
خلت طريق الياس مالوف
يا عذابي منك
يا دنيا مالها اي وصوف
ترسم الفرح كذبه
يصدقها الاف والوف
تخلي الحجر ينطق
حتى العمي يصير يشوف
تخلي الزهر يذبل
تخلي البصير مكفوف
دنيا من كل شي ضد
حتى الخافي يصير مكشوف
دنيتي يادنيتي
حملت همي على الكفوف
جزاي الجرح جزاي الالم
وخيال الفرحه بين الطيوف
هناك ٢٨ تعليقًا:
صح لسانك
صح بدنك
جزاي الجرح جزاي الالم
وخيال الفرحه بين الطيوف
صباح الورد
عزيزتى هذا البيت نام بإحساسي
القصيدة كلها على بعضها حلوة
وفيها شفافية رهيبة وعمق بالمعنى
تسلمين وتسلم حروفك المرهفة
وبس
بـابـل
هونيها وتهون وانا اخيتج
شفينا انا وياج قالبينها دراما
تعالي نفرفش شويه
خلى اللى راح يولي
وسبحانه ربي في كل لحظه يعطينا خدية الحياة
نقوم نضيعها بأسى وضيقة خلق
افا عليج
مجنونه
تذكرين سالفة البطل
:))))))
كلمات رائعة جدا ... مشالله
تسلم أيدج
وصح إلسانج
والله روعه صج صج عجبتني حدها
دنيا من كل شي ضد
حتى الخافي يصير مكشوف
أي والله صدقتي من كل شي ضد
صراحه كلمات قمة وقصيدة واااايد وااايد حلوة
راح أسيفها عندي بعد إذنج
صج عجبتني
تسلمين عزيزتي
بابل
صباح الورد
:)
سعيده انه القصيده اعجبتك
ما اخبي عليك كنت اكتب شي ثاني واحساسي بشي ثاني فجاه اخذت سطر يديد وكتبتها كاني قاعده اشتكي من نفسي لنفسي او افضفض
والله يسلمك
شاكره مرورك
زوزو حبيبتي
افا عليج تهون وانا اخيتج
اما سالفة البطل لما فهمتها قعدت اضحك
:)))
وانا بالسياره تذكرتها بعد
:)
يختج الحاجه ام الاختراع
؛)
وتسلمين يالغاليه
MnO YeNSa
حياج الله يالغاليه
سعيدع بمرورج اتمنى تكون المدونه اعجبتج مثل الكلمات
وتسلمين الروعه زيارة انسانه رقيقه مثلج لي
تحياتي
حسووووووون
افا عليك الكلام كله حلالك مو بس الكلام حتى المدونه ما تغلى عليك
جم اخو اسمه حسون عندي واحد وما قرقع هالسنه
:)
اكيد حسيت فيها انا متاكده
وصح بدنك تسلم ومن ذوقك
كأن الكلمات فيها تناقضات وايد
مثل
حتى العمي يشوف
وبعدها
تخلي البصير مكفوف
!!!
حسيت فيها تناقض وموراكبة على بعضها
عموما الكلمات فيها
مشاعر حساسة جدا وشفافية
ودمتم بحب وود
سميتي نفسج مجنونه
وانا اشهد انج اعقل المجانين
:)
شنو هالكلمات الحلوة
شنو هالعذوبه رغم كل الالم اللي فيها حلوة
انتي قلتي هالدنيا فيها من كل ضد وضد
واضدادها بتحسسج بحلاوتها
لوما المر ووحزنها،ما حسيتي بحلاوة فرحها
:)
الجرح يبرى
وشمعه الياس بتنطفي
وبيلتأم الجرح
وكل حزن بينجلي
والفرح يا الغاليه ياي
وباقرب وقت ان شاء الله
:)
حملت همي على الكفوف
جزاي الجرح جزاي الالم
وخيال الفرحه بين الطيوف
رووعة
تسلم ايدج
sologa-bologa
اشكر مرورك وتعليقك
بس هذي فضفضة مجنونه وغير قابله للتعديل
:)
وترى لو تحسبها من وجهة نظري الي اتوقع انك مت تتوه عنها راح تلاقيها راكبه
لانها كلها دنيا تناقض وتضاد
مشكور
ودمت بسعاده وود
ستكونه
لنل اشهد انه مرورج راقي وكلامج روعه
:)
والاحلى من كل شي مرورج واهتمامج
لا خلا ولا عدم
معاج حق الدنيا من كل ضد في ضد بس لو زاد الشي عن حده؟
عسى ربي يحفظج ولا يغير روح التفاؤل فيج
:)
Najmah
الله يسلمج مشكوره حبيبتي
صح لسانج ^_^
كلمات حزينه .. صج يا دنيا كم تسوين
والله ما تسوى جناح بعوضه بس عذاب الحب والفراق .. أكبر مشكله .. الله يكون بالعون ^^"
من التناقض ومن التضاد كتب الجنون
والله دنيا
يوسف
صح لسانك تسلم
اواي حب!!اي فراق!!لا يبا انا معطيه نفسي معاهدة سلام وتاركه هالسوالف للخيال يشطح فيهاوبس
شاكره مرورك
شيوبنا براك
لا تستهين بالجنون لانه حاله نتيجة حالات
والله دنيا
Shiny words
Expatriate
الشمس اليوم من وين طالعه
:)
مشكور
ترسم الفرح كذبه
يصدقها الاف والوف
تخلي الحجر ينطق
حتى العمي يصير يشوف
وقفت عندها وايد
بقولج شي بس ما تزعلين
انتي من كتاباتج
كلش مو اسم على مسمى
ماشوف فيج من الجنون شعره .؟
ليش
يااا سلااااااام تبين الصج ما كنت ادري عندج هالمواهب
الصراجه كلمات روعه يعطيج العافيه
slamz sweetee...
لوير
اولا حياج الله
وسعيده ان كلماتي تجذب مشاعرج واو بشي بسيط
:)
حبيت اشكرج على اسلوبج بالسؤال لانه غيرج ..............الله يهديهم
برد عليج ببساطه بابتسامه صغيره
:)
ارسمها على ويهي
لانه الاجابه مو وحده ولا هي رد بسيط
بس باختصر واقول اسمي له معنى وكسبته عن جداره
سعيده وايد بمرورج
ومشكووووووره
دعيت لج برمضان اتمنى يستجاب دعائي لانج تستاهلين
:)
خروفه
حبيبتي والله من ذوقج ومشكوووووووره
بس من كلمة الصراجه مالتج
(خوش بدليه)
رفت انج ما عرفتيني
وانج تعرفيني الحين احسن من انج ما تعرفيني بالمره
:)
كلمات جميلة بمدونة أجمل...صح لسانج
الزين كله
صح بدنج
ومشكوره على المرور الحلو
:)
إرسال تعليق