١٦‏/٠٨‏/٢٠٠٧

النسيان

ابي اتناسى
ابي انسى
وابي اسهى
اعيش بدنيتي طير
احط على كل الغصون
بعيد عن كل البشر
اعيش حياتي بكل لون
مابي يموتني القهر
مابي تحرقني الشجون
بحلق فوق سطح البحر
بعيش وحدي مع الجنون
الوقت لي ماهو دهر
راح استغله بهالفنون
بطير واطير واوصل القمر
بعيد عن مدى كل العيون
تعب قلبي من السهر
تعبت روحي من الظنون
لا ولن اشكي القدر
نفسي علي لا ما تهون
الطير ما يرضى الاسر
ولا البشر ترضى السجون

هناك ٤٢ تعليقًا:

سالفة قلب يقول...

الله يبعد عنج كل كدر

بطير واطير واوصل القمر
بعيد عن مدى كل العيون

احسن شي اتسوينه
:)

تحرري من كل شي يضيق خلقج

بوست رائع والصورة معبره وايد

Shather يقول...

نفسي علي لا ما تهون
الطير ما يرضى الاسر
ولا البشر ترضى السجون

eeeh wallah 9edagtaaaay ...

9a7 lsanech sisoo ...

at7afteenaa ;}

MANAF يقول...

انتي مينونه؟؟

شهالكلام





خليتيني جد جد
اتضايق
والله مو قاعد اتغشمر







كلامج وايد حلو

حبيته

:)


ادري طيحت قلبج ابطنج

يالبطه يالمتينه

فراوله يقول...

مساالورد والجوري
لغاليتي الحنونة
احلي واغلي مجنونة
النسيان نعمة من نعم الله علينا
لولها لما استطعنا ان نكمل حياتنا
ونمضي نحو مستقبلنا ونتخطي كل عثرة واجهناها بدنيانا
الطير مايرضي الاسر
ولا البشر ترضي السجون
والانسان الحر الذي اعتاد علي المضي بحياته وهو كالطير الحر الطليق
لن..ولم..وابدا لا يستطيع العيش وهو يرضخ تحت اي مظهر من مظاهر
القيود
دمت بحب وود
ابدا
وانتي كما انتي حره طليقة كاحلا طير حر بالسما
يااحلا مجنونة
:)

charisma يقول...

ابي اتناسى
ابي انسى
وابي اسهى
اعيش بدنيتي طير
احط على كل الغصون
بعيد عن كل البشر
اعيش حياتي بكل لون

الله احلى شعور هذا
انى اتناسى وانسى
احلق ولا يهمنى احد

تسلم ايدج
:)

أبو إسحق يقول...

ذكرتي كل شي جميل في النسيان - فما اجمل النسيان من اجل تلك اللحظات

شكرا لج

hamdool يقول...

WOW WOW
يا بنيّه

ماشالله ابدعتي

واللي قريته توه وبقراه بعد
شوي يدش القلب ويعوره
بس عوار لذيذ علشان يتنبه
حق شي مهم وهو

إن النسيان نعمه من رب العالمين


بس اللي المفروض ما ننساه
أو نتناساه كل شي حلو يمر
بحياتنا وأولهم
magnoonah


مشكوره عالكلام اللذيذ

:)

عثماني يقول...

اللـــــه

الكلمات تلامس القلب

اخر بيتين ... هزوني من داخل

تسلم الايد اللي اكتبت

U_SF يقول...

الطير ما يرضى الاسر
ولا البشر ترضى السجون
أقوى بيتين


يقول لج الشاعر ..

قفصي من الذهبِ ظنّوهُ يغنيني
عن بهجةِ اللّعبِ بين البساتيني

أُكتب لهم واشرح عن عيشة العصفور
يحب أن يمرح محلِّقاً مسرور

من شاء أن يسمع لحني وتغريدي
سماعهُ أروع من غير تقييدي

Mohammad Al-Yousifi يقول...

النسيان نعمة

غير معرف يقول...

ما تقيد الا الأسود..

انسى الدنيا و همومها ..ترى ماتسوى

غير معرف يقول...

ما تقيد الا الأسود..

انسى الدنيا و همومها ..ترى ماتسوى

magnoonah يقول...

سالفة قلب

اجمعين يارب

ترى التحرر ولو حتى من الافكار نعمه

اشكر مرورج

magnoonah يقول...

Shather

شفتي شلون هالحريه حلوه

امانه مو يبيله ويبله ويبيله



خلاني ساكته لا تقلبين المواجع انا لو علي مو اطير راضيه على سكوتر اهج من الدنيا
:)

magnoonah يقول...

منافوه

ابو لسان انا مو متخيله؟
انت البشر يشوفون منك هالحركات ولا بس علي انا


متينه ؟
بطه ؟
:)

حرام والله حرام

يا ربي انت شنو ما تحس والله قويه والله العظيم قويه


وتدري شلون بطه ومتينه وطبوشه وكلبوزه

انت من حارق عشاك يالكرشه
:)
ويصير خير ياالرعب المضاعف

مردوده

magnoonah يقول...

فراوله

عسى مساج وصباحج ورد وفل وياسمين ياالغلا

وعساني ما انحرم من كلامج الي مثل العسل خصزصا عقب الي شفته من الي يشيب الراس منافوه


ايه والله النسيان نعمه بس ترى مو كلنا ننسى
النسيان صعب شوي احيانا

فراوله والله في ناس انا مقصره بحقهم وانتي منهم اتمنى تسامحيني وترى والله ما نسيتج بس ظروف لا جان مطيحه عندج بالمدونه

اكيد انا حره مثل طير طول ما انه فرحتي بتواجدي معاكم هني مالها حدود

عسى ربي يحفظج
:)

magnoonah يقول...

charisma

اشرقت وانورت واستهلت وامطرت
كاريزما عندي
انا اقول النور غير هالمره
:)
اليوم تحققت امنيه من امنياتي

كنت اتمنى انج تزوريني ومن نفسج

:)
اتمنى انه كلامي يعجبج على طول

magnoonah يقول...

أبو إسحق

اشكر مرورك وكالعاده خير الكلام عندك ما قل ودل

تحياتي

magnoonah يقول...

hamdool

wow wow
يا ولد
؛)

ابدعت بالتعليق
مشكور على الكلام الحلو

ويارب ان شاء الله يحفظك ويحميك ولا تحس يوم بالعوار


ولا انا راح انسى مرورك ولا تعليقاتك
الي تدخل الفرحه لقلبي من دون استئذان
:)

magnoonah يقول...

عثماني

الله يسلمك

اؤمن ان الكلام لو طلع من القلب طبيعي انه يوصل القلب ويدخله من دون استئذان

اتوقع هذا الي خلى كلامي يوصل لكم

تحياتي

magnoonah يقول...

U_SF


اسعدتني زيارتك لمدونتي

واسعدني اكثر التماس كلماتي لشي في نفسك

وبما انك كتبت الكلمات رد لكلامي

فانا سويت بحث بسيط للكلام وعرفت انه الشاعر اسمه يوسف حمدان

تسلم ايده الي كتبت
وتسلم ايدك ويسلم احساسك الي اختاروا تواجد هالكلام بمدونتي

تحياتي

magnoonah يقول...

مطقوق

وزيارتك لمدونتي نعمه
:)
مع اني مقصره بحقك

magnoonah يقول...

وتر

مراح اسال ليش غيؤت الاسم

لاني اتوقع انه لغايه في نفسك

عموما يا محمد اشكر مرورك

واحب اقولك يابو سالم انه شكل المدونه صار احلى واتمنى انه مواضيعك تظل بنفس مستوى الصراحه والوضوح

والله لا يغير عليك


وفعلا ترى الدنيا ما تسوى

عشان جذي بظل اقولها باستهزاء

يا دنيا ....كم تسوين

dandoonaa يقول...

تسلمين علي هالكلام

فراوله يقول...

مساالورد والجوري
غاليتي
اغلي مجنونة
انتي معذوره حتي لو ماريتيني
كفاية اشوف هالمدونة واحس انج بخير وعافيه هذي اهي الدنيا ومافيها بالنسبة لي
دمت بدفء وعذوبه ابدا
يالغالية
:)

5roofa يقول...

مشالله كلامج روعه
يعور القلب

يعطيج العافيه

salamz sweetee....

MANAF يقول...

magnoonah

please tell me whats wrong with u

madri shfeech bs 7as bshay o mo merta7 ga3ed a7ateech

6amnini

الزين يقول...

يمكن تعليقي ييه متأخر بس سامحيني ما كنت بالديره

نصك اليوم عذوب عذوبه ما استطعمتها من قبل بكتاباتك

مثل الماي البارد لما الواحد يكون عطشان

ننسى؟؟

ما ننسى

استمرى على هذا النهج

ابهريني اكثر

فلقد عشقت ابهارك

magnoonah يقول...

dandoonaa

الله يسلمج ويسلم غاليج

واشكر مرورج لمدونتي المتواضعه

وحياج الله

:)

غير معرف يقول...

كلمات خفيفة علي القارئ
جميلة فـي عمقها
استمعت بالقــرأة هنـا

لـن تكون زيارتي الأخيرة ان شاللة

شكـرا علي النثر الجميل

فراوله يقول...

مساالورد والجوري
غاليتي
احلا واغلا مجنونه
من قريت تعليقج عندي باخر بوست وانا ماوقف مخي تفكير
ومحاتات والله ان الدموع ماقامت تفارق عيوني
):
تكفين طمنيني عليج
لاني وايد احاتيج
الله يبعد عنج كل شر يارب
دمت للابد
:)

magnoonah يقول...

مساء احلى من الورد والجوري للغلا كله فراوله


والله يالغاليه ما فيني الا العافيه

وما عاش ولا كان حتى لو انا إلييخلي الدمع بعيونج

حرام تنزل دمعه من عينج ومني بعد
والله ما اغفر لنفسي

عشاني انسي لا تحطين بخاطرج يالغاليه انا كلي فدى دموعج

عورتي قلبي

انا اسفه

مو قصدي انكد على احد والله كافي اني منكده على عمري


فراوله والله هذا حياتي وانا راضيه فيها والي كاتبه الله خيره لي وترى انا احسن من غيري بوايد

ماتسوى الدنيا والله ماتسوى


الحين ابيج تضحكين عشاني عشان حبيبتج مجنونه ابي ابتسامه على الاقل

:))

لا تحديني اقول نكته ترى مو لايق

يله ابي احلى ابتسامه
:)
:)
:)

عساني ما انحرم منج

magnoonah يقول...

5roofa

يازينج والله حياج يالشيخه

وعسى ربي يكثر القطيع عندنا
:)

اذا كلامي روعه فمن ذوقج واحساسج الراقي

والله يعافيج


وسلامز لج بعد
:)

magnoonah يقول...

منافوووه

ما فيني شي بس قاعده افكر اذا اخذت الفلوس منك شسوي فيهم
:))

تصدق والله محتاره شسوي لو عندك اقتراحات اتمنى تنورني والله شكلها الدنيا عتمه من كثر التفكير
:))



ــــــــــــــــــــــ

اخوي مناف

ما فيني الا العافيه كاني مثل الينيه سهرانه لي هالحزه

ولا تحاتي اطمن مو كافي اني كدرت فراوله


بعدين انت نسيت اني قويه وام لسانين يعني ما ينخاف علي مجنونه بتسع ارواح
:)))


حبيت اقولك مشكور على احساسك وعساني ما انحرم من احلى اخو بالدنيا

عسى ربي يحفظك ولا يغير علينا

اللهم امين

magnoonah يقول...

زوزو


اولا حمدلله على السلامه فقدتج
:(

ثانيا ما بيني وبين روحي مسامحه ولا اعتذارات فاهمه ياروحي
:)

مشكوره والله احرجني كلامج وتشجيعج لي


وانا التي لا انفك انبهر بك في كل مره اقرأ بها كلماتك


شرايج فيني شي والله

:)

magnoonah يقول...

الاخ خالد

اسعدتني زيارتك لمدونتي واسعدني اكثر اعجابك بكلماتي


يشرفني وجودك وتعليقك

ولي شرف انك تزورني مره ثانيه

عسى تعجبك كلماتي بكل مره
:)


شكرا لك

Sowhat يقول...

كلمات روعة .. و النسيان نعمة والأعتزاز بالنفس شي حلو لما يكون في احلك الظروف

مدونة روعة و صرنا من زوارك

magnoonah يقول...

Sowhat


نورت المدونه وحياك الله

(راح اتعامل معاكم انكم فرد واحد)


لي الشرف بزيارتك واتمنى اي الي اكتبه يلمس شي فيك ويعجبك



شكراو
عساكم عالقوه

فراوله يقول...

مساالورد والجوري
مساالحلا والغلا
للغالية اللي لهل بقلبي مكانة ماتنوصف
اغلي مجنونة
ماعندي شي اقولة
غير الله لا يحرمني منج
ولا من قلبج الطيب
آمين
دمت بدفء وعذوبة
وعافية
ابدا
:)

Barrak يقول...

انا اللي نفسي علي ماتهون
اسمع هالكلام

اتمنى لك حياة سعيده

magnoonah يقول...

فراوله


سكتيني بكلامج الحلو

مادري شنو اقول

عسى ربي يحفظج يالغلا
:)

magnoonah يقول...

يه الشيبه عندنا
:)
يا مرحبا يا مرحبا

وانا بعد اتمنى لك حياة اسعد

وشاكره مرورك