شنو سويت
وبحق منو خطيت
ليه تعاقبني
ليه تعاتبني
شنو ذنبي
ذنبي أني وفيت
ذنبي أني ما نسيت
ذنبي أني صبرت وتحملت وبكيت
بكيت روحي
الي رخصتها لك
بكيت عمري
الي عشته عشانك
بكيت نفسي
الي ذليتها لك
بكيت دنيتي
الي بعتها لاجلك
واخرتها وش خذيت
بنار عذابي كتويت
من يقول أني انتهيت
بالحظه هذي ابتديت
ابتديت ابعد عن العنا
وامشي دروب الهنا
انسى الماضي
اعيش الحاضر
اخطط للمستقبل
واكون انا ((انا((
هناك ٢٢ تعليقًا:
واكون انا انا
عمرنا ما نرجع بعد اي تجربه مثل ما كنا
كل تجربه تغير فينا شي
تضيف لنا شي
وتخلق منا شخص آخر بطريقه او بأخرى
بسلبية او بايجابية
الهم بالنهايه نتعير للأفضل
كل تجربه نعدها محطه في الحياه نأخذ منها الدروس و المهم فيها اننا نكسب نفسنا لا نخسرها
تحياتي
مساالغلا للغالين
اللي نغليهم ولهم بالقلب أكبر قدر ومحبة
غاليتي الحبيبة
كلما نمر فيه يخلف فينا بصمة من بصمات الحياة سواء كانت سلبية ام ايجابية..بس اهي تقادير الزمن وهذا اللي انكتب علينا ولازم انتقبله بصدر رحب لانها من عند الرحمن عز وجل
الاهم ان احنا نتعلم ونسعي ان احنا نلقي تلك النفس التي لازالت تنبض بالحياة
سوف ننسي الماضي لنستطيع ان نعيش الحاضر ونتقبل ذلك المستقبل بكل مافيه من حلو ومر ..شقاء لاسمح الله ام سعادة باذن الله تعالي
يارب تكون الايام اليايه كلها سعادة وفرح لج وللغالين
دمت بحب وود
ابدا
:)
اعتقد اننا ضحايا للصورة المزيفة للحب السينمائي
عشان جذي ننصدم بالتجارب الواقعية
magnoona
زين تلاحقتي نفسج
عيشي يا اختي عيشي
توك زغيره على الهم
ولي بغيتي شي
لا يردج الا لسانج
:p
دليني دروب الهنا وينها فيه
خل اتمشى معاج فيها
:)
هذا وانتى 21 جذى
لا يا يبه الدنيا حلوة وفيها اشياء جميلة وايد
وبعد 6 او 7 سنوات راح تذكرين كلامى وتقولين صج قالولى بالمدونة :)
تفاءلى الحياة فيها الكثير من الجمال
موقف صعب و الحكمة قليلة
الحمدلله على نعمه النسيان
ولو ان النسيان شي صعب
=\ حطيتي ايدج عالجرح
:( تسلميين
كوني انتي وحبي نفسج
عيشي الحاضر واستمتعي
بعدج صغيرة على الهم
وخططي لمستقبلج وعيشي
وتعلمي من اخطائج وتجاربج
واكون انا انا
جمله فيها تحدي
فيها امل جديد
في عوده للعقل
احس انك اقوى
وبتردين انتي انتي
زوزو
ومن قال انه الانسان ما يرجع لنفسه ويحاول يغير فيها
اكيد بيغير بس بإرادته مو بإرادة غيره
تحياتي يالغلا
ابو اسحق
كلامك ميه بالميه صح
وعسس بس نستفيد
اسعدني مرورك
تحياتي
فراوله
فعلا الكلمات توقف امام حضورج واسلوبج الاخوي الروعه
الله انا لو عندي اخت مثلج اي شقا اي حزن اي تعب بشوف بحياتي الا حياتي بتكون سعاده في سعاده في سعاده
وتدرين عاد انا راضيه ويكفيني مرورج يخليني سعيده يالفلب الكبير
اتنمى من الله انه يوفقج ويعطيج ولد الحلال الي يقدرج ويصونج لانه عمله نادره بهالزمن
وكلامج على عيني وراسي كله صح الا انه ساعات الاستسلام للظروف يخلينا نكتب هالحجي وتاكدي انها ظروف وبتعدي
عسى الله لا يحرمني منج ولا يغنيني عنج
:)
مطقوق
لهدرجه عاد
عيل ليش سموها سينمائيه
والله ما عندي تجربه الا وحده ومن زمان لما كنت صغيره شوي
اما الحين لا والله صفيت على الكتب والروايات الي تنشر على النت على انها مواهب وتجارب خياليه
لا تحاتي الواقع صادمني بس باشياء ثانيه بعيد عن خرابيط الحب الخياليه
؛)
اشكر مرورك وتعليقك الي فعلا يثبت انه خير الكلام ما قل ودل
منافـــــــــوه
عيشي ياختي عيشي
((يعني الاخ عايش الدور))
الهم ماله عمر يا مناف وانا اختك
اما اني اطلب منك ؟؟
يالهوي
ياخراشي
يا مصيبتي
يانادشتي
ياحومتي
ليش ما اعرف سوالفك غافله عنك
:))))
((الله لا يحرمني منك لا خلا ولا عدم))
اما سالفتك انك تتمشى وياي فاحب اقولك غلطان منو قال العمر بعزأه
ترى ياروح ما بعدج روح
وانا شاريه روحي مو بايعه
عشان جذي احب اقولك اسفه تمشى بروحك
:))
اخوي الكبير الاستاذ مشاري
عمري 22 فحرام عليك شنو 21
ترى كبرت ماني صغيره
بعدين اي دنيا حلوه من صجك تتكلم على بالك انا ياهل
يمكن حلوه بالنسبه لك وعسى دوم
اما بالنسبه لي الحمدلله على كل حال وانا ما اعترض لا على ارادة الله ولا على قدري
اما بعد 6 او 7 سنوات ما راح اقول بالدونه قالولي
لا راح اقول اخوي ابو الميش قالي وبرجع اذكرك واقولك
اذا الله عطانا طولت العمر
وعلى فكره من الجميل بالحياة مرورك وزيارتك لي من فتره لفتره
:)
مشكووور
محمد بن سالم
حياك الله
فعلا الموقف صعب اما الحكمه فانا اخذها من مدونتك بصراحه اسلوبك جرئ وصريح
اما عن غيبتك الي طولت فيها فاقولك حمدلله على السلامه
لي الشرف بزيارتك واسعدني مرورك
دمت بود
Shather
حياتي انت
ما عاش ولا كان الي يزعلج
افا هذا وانا راسي يشم الهوا
ضحكي يا عمري والله الدنيا ما تسوى
كل جرح يطيب لو مهما خذا من وقت يطيب
ما ابيج تزعلين
ياربي السعاده تكون فالج
تحياتي
Mamloo7a Q8ia
اهلين وسهلين ومرحبتين
مملوحه عندنا لا فعلا من قدنا اكيد اليوم غير
واكيد هالشي من حظي
:)
هلا وغلا والله وترى والله وايد مستانسه بزيارتج لي
تحياتي لج
شايبنا المملوح براك
اقوى؟؟ والله ساعات اسال الله من وين اييب هالقوه
صارلي فتره احاول ابجي مو عارفه احس الدمع مو راضي ينزل كانه عيوني نشفت
من اسبوع زرت دكتورتي الي بشرتني بانه حالتي بتظل مثل ماهي طول عمري واني المفروض اتاقلم خصوصا بعد مرور3 سنوات على العلاج
تمنيت اني ابجي ولوتنزل دمعه وحده انا راضيه بذيج الحزه دورت على القوه الي انت تقول انها عندي وتخليت عنها بارادتي وصرت ابجي القهر وابجي حياتي مثل اليهال
يعني ابجي مو عارفه شنو السبب
بس اني اكون انا انا
ما اقول الا الله كريم والحمدلله على كل حال
المهم انت مو زعلان
وبما انك مو زعلان وعسى دوم
:) فانا سعيده
مرحبا مجنونه
شلونج
إنتي وينج وااايد تطولين علينا
:
حبيت أخر الكلام
كنتي أنتي بالأخير هذي أنتي
القوية أللى ما تهزك أي تجربه
جذي تعودنا عليج
لكن بداية الكلام وهذا المقطع بالذات
بكيت روحي
الي رخصتها لك
بكيت عمري
الي عشته عشانك
بكيت نفسي
الي ذليتها لك
بكيت دنيتي
الي بعتها لاجلك
هذي مو إنتي
انا تعودت عليج قويه
:
كلمات جميلة جدا
والأجمل النهاية القوية
حسون
هالمره فعلا ظروفي قويه شوي بس ان شاء الله موجوده وبطل عليكم كل ما اقدر
ايه انا وايد قويه
ما ادري قاعده اقص على نفسي ولا عليكم
مرات والله اشوف نفسي مو جبل الا بركان
ومرات اشوف نفسي اكبر خوافه بالدنيا
مع ان القوه مو بالعضلات
احب دايما لما تنكسر نفسب ما اظل بمكاني لا ياحسون احب اوقف على ريولي واجبر الكسر واكمل
اشكر مرورك وترى والله ما تخيل فعلا اسعدني عساني ما انحرم منك
إرسال تعليق