24 ربيعا :)

اليوم ومثل الـــــ 23 عام الي طافوا اكمل سنة من عمري وبجذي اليوم اصير انا 24 سنة ولذلك تبين لدي ما يلي:

• 24سنة بكامل طقم اسناني

• 24 سنة بعدد لا متناهي من الشعر المتساقط ( ليش ما ادري)

• 24 سنة وانا للحين اتحلم اشتري الرنج

• 24وانا للحين ما رحت اسبانيا

• 24 سنة وللحين اخوي يهنيني بعيد ميلادي بيوم قبله او يوم بعده بس مو نفس اليوم

• 24 سنة وللحين احس اني ما انجزت شي بحياتي ولا حسيت انه لي دور فعال مع اني مرات احس انه مكاني موجود ومبين بين الناس الس احبهم

اليوم احسه يوم عادي مافيه تغيير ولا فيه شي جديد عشان جذي عادي يعني عادي :)) ملاحظه: مشكور لوجودك بحياتي مشكور على الكلام الحلوو مشكور واااااااااااااااااااااااااااااااااااااااااااااااااااايد لاهتمامك صدقني لو اخوي من امي وابوي ما اهتم كثرك عشان جذي اذا عيد ميلادي هالمره راح يكون مميز فلأنك هنيتني فيه ولانه الكل ناسي وانت الي متذكرهالتاريخ.

2009

كل عام والكل بخير وان شاء الله تكون سنة سعيده على الجميع

:)

رمضان

كل عام وانتم بخير وعساكم من عواد هالشهر الفضيل

اتمنى ما يمر علينا كأي شهر عادي ونستغله بطاعة الرحمن وطلب المغفره

والله يتقبل من الجميع صيامه وقيامه

من اهم النصايح الي الاخت مجنونه تحرص وتنصح اخوانها واخواتها المدونين على اتباعها:

• لا تكثرون على الفطور مافي شي اسمه من كل بستان ورده (اعتقد احنا مو بمجاعه)
• ابتسموووا عشان حتى لو في احد معصب يرد الابتسامه بمثلها ويهدي من اعصابه
• كثر ما نقدر نحاول نقلل من كثرة النوم هذا مو شهر نوم واكل هذا شهر عبادة وترى ما يزورنا الا بالسنه مره ليش ما نستغله
• كثروا من قراءة القرآن وحاولوا تختمونه اكثر من مره ولا ننسى بعد نكثر من الدعاء لنا ولاخوانا المسلمين والاكيد ما ننسى الصدقه

وفي اشياء وايد اكيد الكل ناوي عليها وان شاء الله الله يوفق الجميع

طبعا انا كنت ناويه اسوي جم شغله بس ليش اني ما عندي نظام او مو منظمه بوقتي في الفتره الاخيره فقررت احط جدول ارتب فيه كل شي مثل عبادتي ،شغلي، هواياتي، راحتي، والاكيد خليت فيه وقت للواجبات المفروضه علينا من زيارة اهل وتجهيزات للعيد وما غيره

اشوفكم على خير ان شاء الله :)

إنا لله وإنا إليه راجعون

بقلوب مبتهله الي الله ومتضرعه ننعى اميرنا وقائدنا الشيخ سعد العبدالله الصباح الذي انتقل الي جوار ربه بنفس يملؤها حب الناس وتسبقها ادعيتهم له بالرحمه والمغفره والسكينه في رحاب جنات الخلد

اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس ، أبدله أهلاً خيراً من أهله ، وداراً خيراً من داره ، وجيراناً خيراً من جيرانه ، اللهم لا تحرمنا أجره ، ولا تفتنا بعده ، واغفر لنا وله

احساس بداخلي ينبض

ارحل مثل ما جيت على مهلك

ولا تسال ولا تهتم

كساني الهجر وعدم وصلك

وبداية حزن من فرقاك

تخلي جرح الفراق مؤلم

بقربك بعدم قربك حالي متشابه

بقولها وعلى اوراقي بكتبلك

صفعات الزمن تعلم

وكل اثر بداخلي لك يحكي

لك يبوح ويتكلم

ما عاد فيني اتحمل

تبي ترحل..... ايي ارحل

قلبي منك استسلم

وخلني انا وجرحي

انا وروحي

انا وذاتي

عسانى بس يوم نفهم

عسانى بس نتعلم

مثل ما الجرح يوم يبرا

ما ننسى انه يؤلم

وكل مره تمر مره

نقسى فيها او نرحم

ما للحب بيننا داعي

دام يطغى عليه جهلك

وابشرك صعب الغي من روحي

صعب اتجاهل ما فيني

واسكت واقول بتمر ايامي

وبحيا بحلوها سنيني

مثل ما جيت على مهلك

ابي ترحل .....ابيك ترحل

غلبني بعدك ولا همني وصلك

كثر ما هزني غيابك

فقدت احساسي في قربك