19‏/09‏/2009

في وداع شهر الخير :(

هالمره صج ما حسيت برمضان ولا بطعم الصلاة بالمسجد مع الناس الي يصلون للاسف كنت حدي مشغوله مع اخوي المريض وما بين دوامي واخوي ما لقيت وقت لصلاة القيام مع اني كنت اسمعهم وانا بالسياره خصوصا صوت المصلين لما يقولون اميــــــــــــــــــــــــن من بعد قراءة سورة الفاتحة فعلا كانت هالكلمة تنزل دموعي غصب لما احس بخشوعهم ولما يكون املهم بالله كبير يتقبل منهم
هذا اول عيد يمر بحياتي يكون اخوي مو معاي فيه فعلا تعودت على سفر وغياب باجي اخواني الا اهوو والي يحر اكثر انه راح يقضيه بالمستشفى يعني بين 4 طوف صج اني كنت اتناجر معاه واطفره بس الحين لو يعطوني كنوز الدنيا مقابل انه الدكتور يقول انه صار بخير ويقدر يترك المستشفى راح اختار الاختيار الثاني مالي غنى عنه ما عندي احد اطفر فيه وانرفزه غيره :(
كنت اتمنى اني اكتب هالبوست بوقت ابجر اهنيكم فيه برمضان وبنفس الوقت استغل طيبتكم واطلب منكم تدعون لاخوي ان الله يشفيه بس للاسف فعلا ما كان في وقت وانا مقصره مع الكل حتى مع اقرب الناس لي
هالمره ابي عيديتي وابيها من الكل :)
عيديتي انكم تقولون هالدعاء وعسى ربي يستجيب ويشفي اخوي ان شاء الله
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام . و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين..اللهم اشفه اللهم اشفه اللهم اشفه..اللهم امين
عيدكم مبارك وعساكم من عواده

هناك 7 تعليقات:

طموحة مملوحة يقول...

كل عام وانت بخير اخوي وعيدك مبارك :)

alwasmi يقول...

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام . و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين..اللهم اشفه اللهم اشفه اللهم اشفه..اللهم امين

بالاخير دائما نقول : ان المرض ربما يكون بعده واذا احب الله عبده ابتلاه ليخفف به ذنوبه

فــــــرنـــــــاس يقول...

عيدك مبارك، وأجر وعافية لأخيكِ

فرناس

الزين يقول...

عيدج مبارك

وربي يرفع عنه ويشافيه ويرده سالم غانم قولي آمين

بـابـل يقول...

صباح الخير مجنونة
الله يعينج ويصبرج

محد خالى من الهموم

ومادامك تفاعلتى بإحساسج مع المصلين

إنشاء لله ربنا يحسبك معاهم واقفة

ويعطيج نفس أجرهم

والله يشفى أخوك ويقوم بالسلامة يارب ياكريم

آآآآسفلآن التعليق متأخر وااايد


وبس


بابل

فراوله يقول...

مساالورد والجوري
غاليتي الصغيرونه
اغلا مجنونه
اللهم شافيه وعافيه
وجميع مرضي المسلمين
اللهم آمين
كثير وحشتيني
:****

Sara Ben Dhaif يقول...

allah Yashfeeh .. o erida lich inshala ..