07‏/08‏/2009

فضفضة يعني قرقه

اممممم شنو اقولكم عندي سوالف وايد اولا . . الثلاث شهور الي فاتوا ما حسيت بالوقت او بالاصح ما حسيت بنفسي كنت حدي مشغوله بشنوو؟؟ انا اقولكم سويت نيو لوك للبيت وطبعا بما اني بسوي شي معناته هالشي بياخذ عقلي وتفكيري ووقتي ولازم يطلع على ذوقي ومزاجي شفيكم يعني سنعه ؛) ثانيا . . ادري بتقولون مينونه بس عادي مو شي يديد ابشركم انا قدمت على الجامعه وبدرس تخصص يديد غير تخصصي الي اشتغل فيه وفعلا قدمت اوراقي والحمدلله قبلوني يعني راح اصير اشتغل وادرس :))) ولا تقولون تعب ان شاء الله ما فيها تعب وانا حدي ابي هالشي بخاطري اغير روتين حياتي شوي وابي اسوي شي مفيد وله قيمة بالنسبة لي ثالثا . . وهذا اهم شي مو للكل بس للناس الي يهموني واحب اخذ واعطي معاهم هني والي ما اشوفهم منافقين او يحبون يلبسون اكثر من قناع الله يسلمكم انا طول الفتره الي فاتت كنت مو عارفه انا شنو ابي او شنو الغايه من وجودي لاني فعلا حسيت كل شي حولي ماله قيمه او بالاصح فقدت الاحساس بكل شي وصرت اشوف كل شي مهمش وماله دور مهم من جذي احتجت وقت عشان اعرف وافهم الي قاعد يصير وللعلم للحين هالاحساس موجود
خلاص كافي قرقه عفوا قصدي فضفضه :)

هناك 8 تعليقات:

SheMayeL يقول...

السللالالالالالالالالالالالام عليكم يا حصة... طبعا هذا الاسم انا مطلقتة عليج من حشائش مخيلتي... انتي اول وحده بعلق عندها بعد ما دشنت خيمتي في بر البلوقات بهل جو الحلو الي عندنا طبعا مو عندكم موت الحمر... شوفي يا حبيبتي انا أهنيج على هذي الخطوه ... ومنها لأعلى وعقبال ما نشوفج مخلصه كل تخصصات الجامعه الي انتي فيها... العلم نور والجهل عدو الانسان نفس ما يقولون... وكل ما تعلمتي كل ما توسعت مداركج... وعلى طاري ديكور البيت أذيه ووناسه بعد ماتشوفين جهدج آتى بثماره... وعئبال ما اشوف البلوق يصير نيو لوك ويزهر بالالوان الفرايحيه والحلوه الي تفتح النفس << كلش مو نغزه ههيهيههي حبيبتي والله كوني قويه نفس ما عهدتج
ويلا لا تقاطعين وزوريني بخيمتي المزهره ولا تبخلين علينا بتواصلج بكل الاشكال... دمتي بحب وفرح وتفائل

جنون إحساس يقول...

يالله موفقة ان شالله والدراسة ما توقف على شي إن كانت الرغبة موجودة :)
ومبروك النيولوك

esTeKaNa يقول...

صباح الشوق كله
:)
ما تتخيلين شنو فرحتي وانا اقرا لج بوست يديد يا الغالية
بوست عاقل
متزن
كله بشاير خير
:)
انا سعيده جدا وفخورة فيج
مشيتي بالخطوات الصحيحة:
البعد ومحاوله ترتيب فوضى الحياه
بداية التغير مع تغير البيت
والتغير الصحيح مع الألتحاق بالجامعه
:)
لاحد يقولج تعب
الحياه من غير تعب ما تسوا
واقولج اياها عن تجربه انا اداوم دوامين،صح تعب،ولكن لما تجنين تحسين بقيمة التعب وحتى الايام تفرق معاج
وكل شي بيكون احلى واروع مع الوقت
:)
عسى ربي يفتح عليج ويوفقج ويرزقج اجمل من كل ما تتمنين يارب

Free حر يقول...

أهلااااااااا ، احلى شي ان الواحد يغير من روتينه ،، بشرينا اي تخصص خذيتي ؟ :) ، و انشاء الله تتوفقين بكل تسوينه بحياتج و ترى ماكو شي اسمه قرقه ، و فضفضة .. قولي يلي تبين تقولينه هذا موقعج و كيفج ;p

magnoonah يقول...

شمايل

يا شقووووووووووول
اهم شي الخيمة :)))

اي بحتر انا من الجو الي عندكم (ما شاء الله)

لا ديكور البيت طلع حلوو وعجب الكل الحمدلله


البلوق عناد ماراح اغير الوانه بشوف اخرتها وين
بس الصراحه في نيه اغير جم شغله فيه؛)


زرت الخيمه وشفت الهمر ومن شفته انحشت


ميرسي خالص وما ننحرمش يا دلعتي
:)

magnoonah يقول...

جنونه

مشكوره وايد حبيبتي اهي النيه موجوده بس الظروف للاسف

ولا تحاتين نحن لها خصوصا بعد النجاح الساحق بامتحان القدرات

الله يبارك فيج خيتووو

مشكوره :)

magnoonah يقول...

ام العناقيص ستكونه

صباح الذوق صباح التفاؤل صباح احلى ستكونه بالدنيا

ما تخيلين تشجعيج لي واحساسي لما قريت التعليق شنو كان
جد والله حدي مستانسه خصوصا لما لقيت غيري فخور فيني يعني مو بس افتخاري بنفسي وتأكدي اني ماراح احط اعتبار للتعب بالعكس راح استمتع بالتعب لاني عارفه انه النتيجه راح ترضيني بالنهايه

ولعلمج انا دوامي خفارات وحتى بالويك اند شغاله ومع هذا رتبت اموري مع جدولي للكورس الاول وان شاء الله خير


تسلمين يالغلا وعسى ربي لا يحرمني منج ولا من سوالفج الحلوه


واجمعين اللهم امين

magnoonah يقول...

اهلين حر

الله يسلمك تخصصي ادب انجليزي
وانت شنو تخصصك ترى للحين ما دريت الا انك مسافر؟؟؟

ادري انه موقعي بس عشان ما نزعج الي يقرون :))

مشكور خيووو