لا ما غلطت.....انت ما غلطت
أنا الغلطان
ألوم نفسي قبل ما الومك
انا الي وثقت بكاذب وخوان
أنا إلي كلي ندم كلي اسف
كلي حكايه من غير عنوان
انسان......انت مو انسان
قلبك حجر
يعني من دون وجدان من دون كيان
الثقه؟؟ أي ثقه؟
أي حب؟ أي غرام؟
أي حبايب ؟ أي عشاق؟ أي خلان ؟
كل شي كذب
كل شي بحالة النكران
الجار للجار؟ جدار على جدار؟
كان يا مكان
زمنا كله بكي كله هموم كله أحزان
الحب؟؟ يا عمي اي حب؟!!
بكل روح بتلقى قلب ندمان
جرب الحب مره وذاق طعم الحرمان
لو تسألني أي النعم أحسن
اقول لا يعلى على نعمة النسيان
صفر بالميه او واحد من قدر على الغفران
يدفن المشاعر وهي حيه
يتحمل من العذاب اشكال
يتجرع من العذاب الون
بصراحه.................
انه يسامح او اسامح كان زمان
لما كان في شي اسمه للحب عنفوان
وأرجع أأكد أنا الغلطان
لما تعلقت بخيال عاشق
ما يستحق يكون ظل انسان
هناك ١٤ تعليقًا:
النسيان نعمة
لا يعرفها سوى الي انظلم في دنياه
للأسف الحب اعمى وان كانت الوقائع واضحة قدام عيوننا
للأسف ما نشوف ظلهم وهو على شكل وحش و نقنع نفسنا بالوجه الجميل الي نصورة لهم
كلام في منهى الروعة و الحكمة وترتيب الأفكار
شكرا لمشاركتك له فهو اروع من ان يكون حبيس دفترك
.. نعمة النسيان
من اسمنا انســـــــــان
يعني ننسى .. ومن غير هالنعمه اللــه أعلم بحال البشر
كلماتج معبره ومفهومه قصداً ومعنى
قصه .. أو روايه .. حصلت أم لم تحصل بس ترى اوصلت
لأني مثل ما قلتي تجرعت من العذاب ألوان .. فأحس بأي انسان يتألم من الحب
الله المستعان
شكراً عالبوست الجميل ^_^
البوست يعور القلب
واللي يعور القلب اكثر احساس الانسان انه كاسر خاطر روحه وانه كل شي صار اهو يابه لنفسه
!!
مع هذا اقول تفائلو بالخير تجدوه
والنسيان للاشيا اللي تجرح نعمه
وتأمل الجانب المشرق بكل تجربه اهو اجمل علاج
:)
دمتي بخير وحب دووم
انسان......انت مو انسان
هالسطر وقفت عنده وايد
هجوم عنيف وقوي
وأرجع أأكد أنا الغلطان
لما تعلقت بخيال عاشق
ما يستحق يكون ظل انسان
كثيرون من يدعون الحب
لكن السؤال
هل انتهى الحب من حياة الإنسان
؟
ودمتم بحب وود
sa7 elsaanich :)
thakarteeny beghneya elleey egool feeha "kanat madeenatna thahab thahab .. wil naas lil naaas .. kan else7eeb else7eeb lamma yenadey o yentekhey yelga 7awaleeh el ahal o el kil wefeey .. zemaan ya a7la zemaan .. zemaan ya a7la zemaan" elwa7ed yen6ag mn el7eb katha marra eb 3omra .. o ma3 hal 6ag eseer elwa7ed mature o e3arif aghla6a o neqaaa6 tha3fa 3ashan eseer aqwa mn gabil o e3arif shloon yekhtaaar ... o salamtich
sowhat
قصدك تقول لا يعرف قيمة النسيان الا من ظلم في حياته
صح؟؟
معاك حق فعلا للاسف وللاسف وللاسف
الا ان الندم مو على التجربه الندم اذا ما عرفنا نجرب مره ثانيه بطريقه صح
شكرا لك هذي فعلا كانت حبيسه لدفتري لفتره طويله شوي
U_SF
حصلت يا يوسف بس مو لي لغيري كنت انا متفرجه لاخر احداث القصه
هذا كان احساسي تصور احساسها شنو بيكون
تدري ان حلاة الحب بعذابه
اسفه لانك تألمت منه بس صدق انك محظوظ لانه مر في حياتك وعرفته
شكرا لك على تعليقك إلي وصل قصدا ومعنى
ستكونه
فديت هالقلب والله عسى ربي لا يحمج الرقه والعذوبه الي فيج
فعلا كل مره تضايقني الدنيا ابجي بس مو منها لا والله ابجي لاني كسرت خاطر نفسي
احساس مؤلم شوي فيه
طبعا التفاؤل هو العلاج
اصلا انت ما تقولين الا الكلام الصح ام العناقيص
:)
وتحياتي لك
شايبنا المسمسم براك
هالكلمه بالذات ما اوجها لبطل القصه بس لا اوجها لوايد ناس حوالي لانها من اعماق قلبي
دايما الي يأذي انسان يكون متجرد من احساس البشر
يعني مو انسان
فهمتني هالمره ولا توقف وايد انا ما ذكرت النسيان الا عشان تعدي هالسطر
سلوقا بلوقا
(العقليه الي دايما اخاف من مواجهتها)
يشرفني ويزيدني فخر انك تزور مدونتي رغم خوفي من فلسفتك
يعني ما اتوقع انك تتصور سعادتي بزيارتك
هجوم ؟
لازم اهاجم بعنف وقوه الجرح مو شي سهل ولا يندمل بسهوله اذا كان مؤلم بشكل لا يحتمل
ارد على سؤالك بإجابه بسيطه حيل
لا ما انتهى
الحب مو بس حب الريال للمره او المره للريال
الحب انك تحب كل شي حواليك
تحب نفسك
تحب اهلك
تحب الدنيا
تحب الابتسامه
وتحب وتحب وتحب وتحب.............الي ماله نهايه
شكرا لك
ودمت بحب وسعاده
Ginuwine
صح بدنك :)
سعيده بمرورك
تعليقك ضحكني مع اني ما اعرف الاغنيه بس شكلها حلوه
الزمن ما تغير احنا الي تغيرنا وهالشي طبيعي
كلامك عن الطق ونقاط الضعف
لا غبار عليه اي انه صحيح 100% ولا تعقيب عليه
فعلا كل تجارنا تزيدنا نضوج ومعرفه للحياه وتخلينا اقوى من قبل مو بس بالاختيار وبالاراده بعد
والله يسلمك ويسلم غاليك
:)
صباح الخير/ مجنووونه
هذا اول مرور لي بمدونتك الحلوة
وهز مشاعري هذا البيت الحلو
لما تعلقت بخيال عاشق
ما يستحق يكون ظل انسان
بيت روعه وله الف معنى ومعنى
تسلمين على هذا الأحساس الطاغي
وبس
بــابــل
صباح الانوار
بابل
سعيده بمرورك حيل زرت مدونتك وكنت مراقبتها من بعيد
مشكور على كلامك
واكيد كل انسان يفسر الكلا بالمعنى ال يناسبه
تسلم على الزياره ومشكور مره ثانيه
:)
دمت بود
إرسال تعليق